1 nyied 20 hauh, aen haw iq feihyiz “lungz ndei hoh haicieng feihyiz caez cienzciep” youq Liujcouh Si Yungzanh Yen hai haw. Gij lauxsae lwghag laeng Cangzanh Cin Cungh- sinhyau baijgai gij ceijraed feihyiz、gij doxgaiq aeu langj san de、gij veh fazlangz daengj, gai ndaej ngaenz caiq aeu bae bang doengh boux lwgnyez henranz gungzhoj haenx. Hozdung neix hawj vunzlai ndaej yawjraen gij vwnzva feihyiz, dem’ak vwnzva gagsaenq, caemhcaiq aeu neix coux haicieng.

（Danz Gaijhingh/谭凯兴 Loz Gezfangh/罗洁芳）