Gyawj geij bi neix, Cungzcoj Si Dasinh Yen guh’ak canjnieb、hen ndei dieg henzguek, gaenxmaenx doidoengh vunzlai gak cuz doxcaez hwngfat, mboujduenh couqmaenh gij eiqsik caezcaemh Cunghvaz Minzcuz.

Dasinh Yen haenqrengz yungz- hab lijyouz、genhgoj、gooij daengj canjnieb saekheu, cingjhab ngaenz hanghmoeg. Sam bi daeuj, laeng baihgwnz aeu ndaej gij ngaenz hwngfat siujsoq minzcuz 5606 fanh maenz ngaenz, hwnqguh gij mbanj miz daegsaek、sezsih giekdaej canjnieb miz daegsaek、gaij ndei dieg seiqhenz vunzyouq daengj 66 aen hanghmoeg, miz 68 aen mbanj aeu ndaej hangh- moeg guh.

Dasinh Yen haiguh gij hozdung “mbanj ndeu cwzloz ndeu”, hawj giyez minzyingz bae fugsaeh canjnieb saenqhwng. 148 aen giyez minzyingz caeuq 148 aen mbanj gietdoih bangrex, guh oij caqdangz、haeux ndei、makmoiz、mou、 vaiz、 lijyouz daengj canjnieb miz daegsaek. Yienh de lij damqra baenzlawz guh “densangh + gij huq nungzyez miz daegsaek”, youq gwnz muengx cigboq gai huq, hawj huqdoj bi dem bi gai ndaej lai.

Dasinh Yen dazyinx vunzlai dieg de biujyienj vwnzyi gwnzbiengz daengj hozdung vwnzdij. Youq mwh “Sam Nyied Sam Gvangjsih”、Cietroengz- doengh daengj cietheiq cienzdoengj haeujlaeg son’gyauq lwnhgangj gij eiqsik caezcaemh Cunghvaz Minzcuz, gangj ndei gij goj minzcuz doxgiet.（Lungz Yenyingh/隆艳英）