1 nyied 21 hauh, Cunghgoz Yinzminz Cwngci Hezsangh Veiyi Gaiq Cibsam Gvangjsih Bouxcuengh Swcigih Veijyenzvei Baez Hoih Daih- ngeih youq Nanzningz haimuq.

Sunh Daveij、Vangz Sinhfu、Ciz Sauconh、Fei Ciyungz、Vangz Cinvaz、Cenz Yozmingz、Couh Cwngzfangh、Vangz Naijyoz、Hoz Sinhhing、Vuh Gyahsi、Bungz Genmingz caeuq Luz Nwngzgan daengj youq cujsizdaiz baiz daih’it naengh.

Swcigih Dangjveij lingjdauj Liuz Ningz、Lanz Denhliz、Hoz Vwnzhau、Fangz Lingzminj、Cinz Yizginh、Vangz Veizbingz、Cai Lisinh、Nungz Swnghvwnz、Hij Yungjgo、Couh Yigez, Swcigih Yinzda Cangzveijvei、Cwngfuj lingjdauj banhswj cwngzyenz, Swcigih Gaugaep Fazyen、Genjcazyen boux cujyau fucwz dungzci, Baihnamz Cangih Luzginh cwngveij Fangh Yungjsiengz daengj cap youq Gvangj- sih budui ginhcwng lingjdauj, Swcigih lizduiyouh cwngswngjgiz dungzci geq, gizyawz swngjgiz lingjdauj daengj daengz hoih cukhoh.

Swcigih Cwnghez Gaiq Cibsam Baez Hoih Daihngeih wnggai camgya veijyenz 690 boux, caen daengz 628 boux, hab gvidingh soqvunz.

Swcigih Cwnghez cujsiz Sunh Daveij daibyauj Cwnghez Gaiq Cib- sam Gvangjsih Bouxcuengh Swcigih Veijyenzvei Cangzvu Veijyenzvei guh gunghcoz baugau. Baugau daezok, bi 2024 dwg Cunghvaz Yinzminz Gung- hozgoz laebbaenz 75 hopbi, hix dwg Yinzminz Cwnghez laebbaenz 75 hopbi, Swcigih Cwnghez caeuq aen cangzveijvei de aeu gyagiengz swh- siengj vujcangh, caenh’itbouh guh- saed gij giekdaej swhsiengj cwngci caezcaemh doxgiet haenqguh; aeu gyagiengz dangjgen yinxlingx, caenh- itbouh doeksaed dangj cienzmienh lingjdangj hong cwnghez; aeu gya- giengz goengnaengz hwnqguh, caenh- itbouh comzyawj hong cungsim fatok cozyung; aeu gyagiengz dungjcan lienzhaeh, caenh’itbouh comz gij rengz hung’ak hwnqguh aen Gvangj- sih maenghndei seizdaih moq; aeu gyagiengz souj cingq cauhmoq, caenh’itbouh haeujlaeg hengz cizcwz doidoengh hong cwnghez daezcaet demyauq. Aeu engqgya gaenjndaet doxgiet youq henz Cunghgung Cungh- yangh aeu Siz Ginbingz dungzci guh goek, youq Swcigih Dangjveij gien- giengz lingjdauj baihlaj, gejcuengq swhsiengj、cauhmoq gouz bienq, coh haij maeuz ak、haicuengq hwngfat, baengh doxgiet comz rengz, baengh haenqguh cauh nieb, caezcaemh raiz bien faenzcieng Gvangjsih yiengh yendaiva Cungguek.

Swcigih Dangjveij suhgi Liuz Ningz daibyauj Cunghgoz Gung- canjdangj Gvangjsih Bouxcuengh Swcigih Veijyenzvei cukhoh aen hoih hai swnh. Liuz Ningz daegbied gangj daengz, daengx gih cwnghez gak gaep cujciz caeuq gyoengq cwnghez veij- yenz aeu dingjmaenh dangj lingjdauj、doengjit cansen、hezsangh minzcuj dox giethab ndeindi, dingjmaenh fatyiengz minzcuj caeuq gyalai doxgiet doxdoeng、hawj coenz genyi cammaeuz saehguek caeuq comz doxrox song mbiengj ok rengz, hopheux Cunghgung Ngeihcib Daih gezcwz baijbouh caeuq gij iugouz fanghloz hungnaek Siz Ginbingz cungjsuhgi naeuz Gvangjsih, comzyawj doicaenh yiengh yendaiva Cungguek aen cwngci ceiq hung neix caeuq hwngfat ndei saed aen dauhleix geng seizdaih moq neix, dinghmaenh gij anbaiz guhhong Swcigih Dangjveij Gaiq Cibngeih Baez Hoih Daihcaet caeuq Aen Hoih Hong Ginghci Daengx Gih, gaenxmaenx hawj coenz genyi cammaeuz saehguek, laebdaeb roengzrengz guh saehngamj saehndei saehsienh, caez ok rengz ceiq hung, caez hoz caemh rengz haicauh aen gizmen moq hwnqguh aen Gvangjsih maenghndei seizdaih moq. Bineix dwg Yinzminz Cwnghez laebbaenz 75 hopbi, daengx gih gak gaep dangjveij aeu hong cwnghez gvihaeuj hong dangjveij cungjdaej baijbouh bae, caezcaemh maeuzveh、caezcaemh anbaiz、caezcaemh doicaenh, haenq- rengz haeujcoengh yinzminz cwnghez ciuq fapguek faplwd caeuq cwnghez canghcwngz hengz ciznwngz, cauh diuzgienh mizleih hawj cwnghez cujciz, doidoengh hong cwnghez gih raeuz mboujduenh yamq hwnj mbaeklae moq.

(Cinz Yizcwz Vangz Cunhnanz Cinz Gyangz daj 《Gvangjsih Yizbau》 aeu daeuj genj hoiz)