1 nyied 22 hauh, Gvangjsih Bouxcuengh Swcigih Gaiq Cibseiq Yinzminz Daibyauj Daihhoih Baez Hoih Daihngeih youq Gvangjsih Yinzminz Veidangz haimuq.

Aen hoih youz daihhoih cujsiz- donz cangzvu cujsiz、caephengz cujsiz Liuz Ningz cujciz. Daihhoih cujsiz- donz cangzvu cujsiz、caephengz cujsiz Fangh Cunhmingz、Cangh Yaujginh、Hoz Vwnzhau、Vangz Veijgingh、Luz Yenbenj、Yangz Cingvaz、Liuz Youj- mingz、Couh Gyahbinh youq cujsizdaiz dieg caephengz cujsiz naengh.

Swcigih Gaiq Cibseiq Yinzda Baez Hoih Daihngeih daibyauj wnggai daengz 693 boux, miz 662 boux daibyauj camgya aen hoih haimuq, hab fapdingh soqvunz.

Banhaet 9 diemj, Liuz Ningz senhbu：Gvangjsih Bouxcuengh Sw- cigih Gaiq Cibseiq Yinzminz Daibyauj Daihhoih Baez Hoih Daihngeih haimuq, daengxcungq ndwn hwnj, caez sing ciengq goguek Cunghvaz Yinzminz Gunghozgoz.

Swcigih cujsiz Lanz Denhliz daibyauj Swcigih Gaiq Cibseiq Yinzminz Cwngfuj coh daihhoih guh 《Cwngfuj Gunghcoz Baugau》.

Lanz Denhliz naeuz, bi 2023 dwg bi hainduj cienzmienh gvancez gij cingsaenz Ngeihcib Daih Dangj, hix dwg bi hamj ok yamqdin moq hwngfat ndei saed gih raeuz. Siz Ginbingz cungjsuhgi gek song bi caiq baez daengz gih raeuz cazyawj, hawj daengx gih gak cuz ganbu ginzcung lai rengzrwd lai miz saenqsim. Raeuz aeu hagsib gvancez cawjdaez gyauyuz aen swhsiengj sevei cujyi miz daegsaek Cungguek seizdaih moq Siz Ginbingz guh rengz hung’ak, comz rengz coi hwngfat, comz rengz dwk ciengq geng, haenqrengz doidoengh ginghci dauq- swng coh ndei, gak fuengmienh okyienh yienghsiengq moq.

Lanz Denhliz vixok, bineix dwg Cunghvaz Yinzminz Gunghozgoz laeb- baenz 75 hopbi, dwg bi gvanhgen saedyienh aen yinvu moegbiu “cibseiq haj” gviveh, guhndei hong bineix yiyi hungnaek. Raeuz yaek aeu aen swhsiengj sevei cujyi miz daegsaek Cungguek seizdaih moq Siz Ginbingz guj cijdauj, cienzmienh gvancez doeksaed gij cingsaenz Ngeihcib Daih Dangj、Aen Hoih Ngeihcung Gaiq Ngeihcib caeuq gij cingsaenz Aen Hoih Hong Ginghci Cunghyangh, haeujlaeg gvancez doeksaed gij iugouz fanghloz hungnaek Siz Ginbingz cungjsuhgi naeuz Gvangjsih, gaenj- ndaet hopheux hwngfat ndei saed aen yinvu daih’it neix caeuq cauhlaeb aen gwzgiz hwngfat moq aen yinvu canloz neix, aeu couqmaenh gij eiqsik caezcaemh Cunghvaz Minzcuz guh sienqmeh, dingjmaenh aen giekdiuh goek ndaw onj baenaj, caezcingj、cinjdeng、cienzmienh gvancez aen leixniemh hwngfat moq, dungjcouz gyalai ndawyungh caeuq haeujlaeg gaijgwz aen gapgyaq mbiengj gung- hawj, dungjcouz baenz hawsingz yienghmoq caeuq cienzmienh saenq- hwng lajmbanj, dungjcouz hwngfat ndei saed caeuq ancienz suijbingz sang, cietsaed demgiengz rengzhoengh ginghci、fuengz vaq fungyiemj、gaij- ndei aenbiengz yawhgeiz, gyamaenh caeuq demgiengz yiengh ginghci dauqswng coh ndei, laebdaeb doi- doengh ginghci saedyienh daezswng ndei raeuh caeuq demmaj hableix miz soq, demgya gij fukfaenh ndwen- ngoenz bouxminz, baujciz aenbiengz onjdingh, gejcuengq swhsiengj、cauh- moq gouz bienq, coh haij maeuz ak、haicuengq hwngfat, haenqrengz raiz bien faenzcieng Gvangjsih yiengh yendaiva Cungguek.

Lanz Denhliz vixok, bineix aen cujyau yawhgeiz moegbiu ginghci sevei hwngfat gih raeuz dwg： Daengx gih digih swnghcanj cungjciz demmaj 5% doxhwnj, itbuen gunghgung yawhsuenq souhaeuj demmaj 3% baedauq, gveihmoz doxhwnj gunghyez soq gyalai demmaj 6% doxhwnj, dinghmaenh douz cienz roengz goek demmaj 3% doxhwnj, sevei doxgaiq siuhfei gai lingz cungjngeg demmaj 5% doxhwnj, caeuq guek rog gaicawx haeujok guek cungjngeg demmaj 7% doxhwnj, mbaet naengzliengh gemj baiz gyangq danq gaemhanh youq ndaw aen moegbiu guekgya roengz hawj de, bouxvunz bingzyaenz ndaej ceiboiq souhaeuj demmaj caeuq ginghci demmaj caemhyamq, hawsingz demmoq couhnieb 30 fanh boux, hawsingz diucaz saetnieblwd gaem- hanh youq 5.5% baedauq, bouxvunz siuhfei gyaqcienz ceijsoq hwnj lai gaemhanh youq ndaw 3%, baenz sou haeuxgwn ndaej lai mbouj ndaej noix.

Ciuq aen hoih anbaiz, daihhoih saemjcaz gij baugau Swcigih Yinzminz Cwngfuj mizgven swcigih 2023 nienz gozminz ginghci caeuq sevei hwngfat giva caephengz cingzgvang caeuq 2024 nienz gozminz ginghci caeuq sevei hwngfat giva caujanq、mizgven daengx gih caeuq swcigih bonj gaep 2023 nienz yawhsuenq caephengz cingzgvang caeuq 2024 nienz yawhsuenq caujanq.

(Gungh Vwnzyingj Cinz Yizcwz Liu Ciyungz daj 《Gvangjsih Yiz- bau》 aeu daeuj genj hoiz)