Mboengqneix, Cauhbingz Yen youq Coujmaj Cin Mbanjfuzhingz guh aen yizsiz biengj baiz buek daihseiq “Aen Mbanj Miz Gij Daegsaek Minzcuz Gvangjsih”. Hocouh Siveij Dungjcanbu、Si Minzcunghveij bouxdaeuz hoh Mbanjfuzhingz aeu ndaej aen mingzdaeuz “Aen Mbanj Miz Gij Daegsaek Minzcuz Gvangjsih”, caemhcaiq maqmuengh Cauhbingz Yen baengh baez hozdung neix hopndaet couqmaenh gij eiqsik caezcaemh Cunghvaz Minzcuz diuz sienqmeh neix, laebdaeb haeujlaeg haiguh aen hozdung cauhlaeb minzcuz doxgiet baenaj, dajcauh aen mbanj miz gij daegsaek minzcuz baenz aen bingzdaiz hawj gak minzcuz “samgyau”caeuq guhyiengh hawj gak minzcuz caez doxgiet buekguh、caez mwnhoengh hwngfat. De muengh gak gaep gak bouhmonz henhoh hwngfat ndei aen mbanj miz gij daegsaek minzcuz, onjdingh doicaenh lajmbanj saenqhwng caeuq hong cauhlaeb minzcuz doxgiet baenaj, ok rengz mbwk bae youh ndei youh vaiq hwnqguh Cauhbingz.

（Couh Ancingh/周岸青 Buz Yinhdingz/蒲欣婷）