Mboengqneix, Cauhbingz Yen cujciz gak aen mbanj dieg de guh buek hozdung “vanjvei lajmbanj”coux bimoq. Gyoengq- vunz langhbaij dinfwngz caeuq yienghndei, eu fwen diuq foux haenhdanq ndwenngoenz moq vuenyungz. Aen vanjvei Senhveiz Yauzcuz Yangh Mbanjcazsanh daegbied nauhyied, miz fwen 《Naeuzciengq Lenjbuj》、foux Yauzcuz 《Foux Gyongnyag》、siujdiuh 《Buet Seiq Baez》 daengj 20 lai aen cezmuz ndeiyawj. Gij hozdung Cauhbingz Cin Mbanjgyanghgouj caemh gig mizyinx, 20 lai aen doih biujyienj le 《Cieng Cungguek Angqyangz》《Cungguek Miz Rengzhoengh》daengj 36 aen cezmuz vwnzyi. Gij hozdung “vanjvei lajmbanj” hawj gij saedceij vunzlai gak minzcuz bienq ndaej engq mizyinx, hawj vunzlai engq rox rimhoz、vuenyungz.

（Couh Ancingh/周岸青 Luz Cungzvaz/卢从华 Dangh Yihyih/汤依依）