Gyawj geij bi neix, Lingzyinz Yen gaenxmaenx hwnqguh bingzdaiz、guh sonlienh、ok ngaenz、caeuq lai fueng doxgap、“diemj doiq diemj”soengq vunz guhhong daengj, gyagiengz Sinhcin Si Bwzswz Si doxgap yungh vunz guhhong, coicaenh bouxguhhong senj dieg couhnieb, miz ngaenz roengz daeh.

Bi 2023 doxdaeuj, Lingzyinz Yen doiqciep Sinhcin Si Yenzdenz Gih guh hozdung ciu vunz, aeu gunghcunghau、doengh aen ginz veizsin caeuq aen daihbingz yienh- singz daengj doisoengq 4000 lai aen vihhong ciu vunz, bi 2023 miz 2784 vunz ra ndaej hong.

Aen yienh neix lij dazyinx caeuq gujli gwnzbiengz gak gyaiq gaenx- maenx camgya sonlienh dinfwngz. Bi 2023, Lingzyinz gungh hai le 32 geiz sonlienh dinfwngz gven- daengz cahceh、canjceh、ciengxlaux fugsaeh daengj, gungh sonlienh 1539 vunz.

Aen yienh neix yungh ndei aen vunqsik “it sinhcingj song wngq- cingz”, hawj bouxduetgungz ok swngj- rog bae dajgoeng haenx moix vunz it mbat fat 800 maenz guh ngaenzci baedauq. Bi 2023 hawj 8751 vunz fat le ngaenzci bangbouj, gungh fat ok 700.11 fanh maenz ngaenz.

Lingzyinz Yen gyagiengz gietdoiq bangrex sonlienh. Dieg de caeuq Bwzswz Si Gunghyez Yozyen haeuj- laeg doxgap, youq aen hoih ciu vunz、gunghcunghau veizsin daengj bang giyez fatbouh siusik vihhong, hawj cwngfuj、hagdangz、giyez doxgap engq gaenjmaed.

Lingzyinz Yen lij soengq vunz bae guhhong, hawj gyoengqde ok bakranz couh ndaej hwnj ci, roengz ci couh ndaej haeuj cangj, caiq cujciz bouxgagnyienh fat aen bau simndei dem. Bi 2023, yienh de hai le 40 dangq ci“diemj doiq diemj” soengq vunz bae guhhong, hawj 1708 vunz mbouj aeu hai ngaenzci couh ndaej dauqma guhhong.

（Lij Sunvaz/李顺华）