Gveigangj Si Cinzdangz Gih Mungzgungh Cin Liuyui Siujyoz seiq (1) ban Couh Giujgiz

贵港市覃塘区蒙公镇廖瑞小学四（1）班 周巧绮

Ngoenzneix, gou naeuz aen dieg gyaeundei ndeu hawj daihgya rox. Gizhaenx mboujdanh bya heuswdswd，raemx sawdikdik, funggingj ndeiyawj raixcaix, lijmiz haujlai doxgaiq ndeigwn dem. Aen dieg gyaeundei neix dwg youq gizlawz ne? Mboujloek, couhdwg Gveigangj Si Cinzdangz Gih aen lijyouz gingjgih ndeu ——Byalingzgvi Gunghyenz.

Byalingzgvi Gunghyenz gingjsaek gyaeundei. Baez daengz Byalingzgvi Gunghyenz, ingj haeuj lwgda dwg aen bakdou gingjgih ciuq dousingz ciuhlaux Bwzgingh guh baenz haenx, gwnz gaiq baiz bakdou gingjgih gaek miz “Byabauj Lingzgvi” seiq cih saw hung rengzrwdrwd. Diuz loh hung gingjgih song henz ndaem gova liux, byaij bae coh diuzloh baihndaw 100 mij yienghneix, couh daeuj daengz aen haw nauhyied laj dinbya Byalingzgvi lo. Aenhaw seiq henz dwg aen youh aen gencuz ciuhgonq. Seiq henz rij iq gova heux humx. Haetcaeux, raemxrij daj gyangbya lae roengzdaeuj, daiq miz gij va hom ndaw bya, buenx miz gij sing cici cetcet roeg iq lae haeuj daemz iq laj dinbya daeuj. Ndaw daemz iq miz duz rin’gvi hung ndeu, raemx saw ndaej raen daej, bya iq caeuq gungq iq youq ndawde vaiqvued dwk guh’angq, seiz mbouj seiz raen miz geij duz gvi iq gvaq laj ndang rin’gvi hung ndonj gyaeuj doxok. Banringz, raemxrij youq laj ndit yapmyab, hauseuq ndongqrik, ndeiyawj raixcaix.

Yawj le gij gingj gyaeundei, baenzlawz youh noix ndaej gij doxgaiq ndeigwn ne? Danghnaeuz aeu cimz gij ndeigwn, couh mbouj ndaej lauq gvaq aen ciet “sam nyied sam”.

Moix bi aen ciet “sam nyied sam”, giz Byalingzgvi Gunghyenz cungj gawjhengz gak cungj gak yiengh minzsuz hozdung: Ciengq fwen、gwn gij ndeigwn、minzcuz dijyuz hozdung……nauhyied raixcaix. Bouxhek dieggyae dingqnyi le cungj daj gak dieg ganj daeuj. Gangj daengz gij ndeigwn, myaiz gou nyaenx mbouj ndaej doek roengz- daeuj. Moix daengz “sam nyied sam” ngoenzhaenx, bouxmbanj gvaengxdieg Byalingzgvi cungj guh haeuxnaengj haj saek、 naengj nohmou fungfeih dieg bonjfaenh、dumq gyaeqhoengz、 suek faengxduzgvi、guh laeujvan, aeu doenghgij ndeigwn neix daeuj dakdaih bouxhek. Doenghgij ndeigwn neix cungj dwg cingj vunz cimz ndwi gwn ndwi mbouj aeu cienz bw. Youq ngoenzneix, gyoengq lwgnyez ndaej caih guh’angq, gyoengq vunzhung ndaej cimz gij ndeigwn youh ndaej soengyungz vaiqvued gvaq ciet.

Gyoengq baengzyoux ndeigyaez, danghnaeuz mwngz hix caeuq gou yienghneix maij gij gingjsaek gyaeu- ndei caeuq gij doxgaiq ndeigwn neix, angqcoux mwngz daeuj Byalingzgvi Gunghyenz Cinzdangz youzlangh. Mwh- haenx, geiq ndaej heuh gou bae daiq loh bw!

(lauxsae sonyinx: Veiz Hungz Cinz Sihoz )

今天，我向大家推荐一个地方。那里不仅山清水秀，风景优美，还有各种美食呢。那么，这个美丽的地方在哪儿呢？没错，就是我们贵港市覃塘区旅游景点之一——灵龟宝山公园。

灵龟宝山公园风景优美。去到灵龟宝山公园，首先映入眼帘的是仿北京古城城门建造的大门，上面是一块古香古色的印有“灵龟宝山”四个大字的门匾。沿着栽满花草的主道直走100米，就能看到位于灵龟宝山山脚下一处热闹的小街市。小街市周边是一座座古朴的建筑，四周溪水山花萦绕。清晨，溪水从山涧流下，带着山里的花香，伴着鸟儿叽叽喳喳的叫声流进山脚的池子。池子里有一只大石龟，池水清澈见底，小鱼小虾在快乐地嬉戏，不时有几只小龟从大石龟底下探出头来。午后，阳光下的溪水波光粼粼，近乎透明莹白，美不胜收！

看了美景，又怎能少了美食呢？而想要品尝美食，就不能错过我们广西的节日——“三月三”。

每年的“三月三”灵龟宝山公园都会举行丰富多彩的民俗活动：对山歌、品尝美食、民族体育活动……非常热闹。远方的客人纷纷慕名而来。说到美食，我禁不住口水直流。每到“三月三”这天，灵龟宝山周边的村民会做五色糯米饭、本地风味扣肉、红鸡蛋、龟棕、甜酒等美食来招待客人，这些吃食都是免费提供的，在这天，孩子们可以尽情玩耍，大人们既能享受美食，又能享受节日带来的快乐时光。

亲爱的朋友们，如果你也和我一样喜欢美景、美食，欢迎您来覃塘的灵龟宝山公园。到时，记得找我当导游哦！

（指导老师：韦 红 覃世活）