12 nyied 24 hauh, dou cam Sw- cigih Caizcwngdingh roxyiuj, vih gvancez doeksaed gij cingsaenz cijsi youqgaenj Siz Ginbingz cungjsuhgi, caen bang dieg deng caihaih, bauj vunzlai deng caihaih gvaqngoenz caeuq ancienz, Swcigih Caizcwng- dingh gibseiz bued 1.79 ik maenz cienz banggouq caihaih swyenz cungh- yangh, haeujcoengh deihfueng haiguh hong banggouq vunzlai deng caihaih gvaq ngoenz hoj, bauj bouxminz vunz- lai sengmingh cienzcaiz ancienz.

Bineix doxdaeuj, gih raeuz deng raemxdumh、rumzluengh、rengx、rumz bag、deihcaet caihaih daengj swyenz caihaih yingjyangj. Baezneix bued cienz cujyau bangbouj doengh boux mboengq doeng cin deng caihaih hawj haeuxgwn、buhvaq denz bauj raeuj daengj, caemhcaiq liedhaeuj ngaenz- cienz cigsoh guenjleix. Ngaenzcienz saedhengz seizseiz gamhanh, doeng- gvaq ngaenzcienz faenboiq、buedhawj、yungh daengj daengx aen hothoh. Swcigih Caizcwngdingh iugouz gak dieg caizcwng bouhmonz boiqhab wngqgip guenjleix bouhmonz, vaiqdi aeu ngaenzcienz ciuq cwngcwz iugouz buedhawj daengz vih, gyagiengz gamduk caeuq guenjleix, caezcaemh guenj ndei、yungh ndei gij ngaenz- cienz banggouq, baujmaenh ngaenz- cienz cienmonz yungh cienmonz bae. Doengzseiz, iugouz guh ndei hangh- moeg cizyau gamhanh caeuq cizyau bingzgya daengj hong, cietsaed daez- sang gij yauqik yungh ngaenzcienz. Yamqlaeng, Swcigih Caizcwngdingh yaek caeuq Swcigih Yinggiz Gvanj- lijdingh cijdauj dukcoi mizgven si yienh guh ndei hong fatcuengq ngaenzcienz, baujmaenh ngaenzcienz banggouq gibseiz、fat doq daengz ndaw fwngz vunzlai deng caihaih bae.

(Couh Hungzmeiz Vangz Haij- nanz daj Gvangjsih Sinhvwnzvangj aeu daeuj hoiz)