Sinhvazse Baekging 12 nyied 24 hauh dienh Cek saw 《Siz Gin- bingz Gangj “It Rangh It Loh”（2023 Nienz Banj）》 Cunghgung Cungh- yangh Dangjsij Caeuq Vwnzyen Yenzgiuyen bien de, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Bouh sawcomz ciendaez neix, souloeg 78 bien faenzgauj youqgaenj Siz Ginbingz dungzci 2013 nienz 9 nyied daengz 2023 nienz 11 nyied geizgan mizgven caezhwnq “it rangh it loh”.

Caezhwnq “it rangh it loh” goek youq Cungguek, cwngzgoj caeuq seizgei gvihaeuj seiqgyaiq. Cibbet Daih Dangj doxdaeuj, Siz Ginbingz dungzci miz haicauh daezok caez- hwnq “it rangh it loh” cangyi, yawj aen loqsiengj caezcaemh gak guek bouxminz gyaepgouz huzndei caeuq hwngfat, aeu aen fueng’anq caez- caemh mwnhoengh hwngfat miz dungxcaiz baihdoeng ndeu hawj seiqgyaiq, ndaej daengz gozci sevei daegbied dwg aen guekgya caezhwnq hoizwngq haenqrem. Caezhwnq “it rangh it loh” dingjmaenh caezyaeng caezhwnq caezyungh, hamj gvaq mbouj doengz vwnzmingz、vwnzva、sevei cidu、duenh hwngfat doxca, haibik le diuzroen moq gak guek dox baedauq, daplaeb hwnj aen gvaenghgyaq moq gozci doxgap, comz gij doxdoengz ceiq lai vunz lajmbwn caezcaemh hwngfat, baenz aen bingzdaiz gozci doxgap caeuq daengx seiqgyaiq gunghgung canjbinj ndaej haengjgyaez lai, saedyienh le aen guekgya caezhwnq caez leih caez hingz, mboujdan aeu aen seizgei moq hawj seiqgyaiq gak guek hwngfat, hix haibik aen diendeih moq hawj Cungguek haicuengq hwngfat. Saedsaeh cingqmingz, caez- hwnq “it rangh it loh” ndwn youq mbiengj lizsij deng, hab gij ngeix- naemj seizdaih cinbu, byaij diuzroen cingq lajbiengz. Siz Ginbingz dungzci doiq caezhwnq “it rangh it loh” cijdauj yenzcwz、fungfouq neiyungz、diuzroen moegbiu daengj guh lwnh- gangj laegdaeuq, doiq haeujlaeg “it rangh it loh” gozci doxgap, netsaed doinyoengx caetliengh sang caez- hwnq “it rangh it loh”, doidoengh saedyienh seiqgyaiq gak guek yendaiva, hwnqguh aen seiqgyaiq haicuengq bauyungz、doxlienz dox- doeng、caezcaemh hwngfat ndeu, doidoengh cauhlaeb aen minghyinh caezcaemh vunz lajmbwn, miz yiyi youqgaenj.