De siengj ndaem benq ndoengfaex caeuq suenva diegbied youh gyaeundei ndeu, caenfwngz gveihva baijbouh youq daengx dieg Goemq- loengxroengq ndaem gak cungj gak yiengh va, youq ndaw song bi lai, de yungh bae geij cien fanh maenz, youq Goemqloengxroengq gonqlaeng ndaem baenz fanh lai go faexraeu、haj fanh go va’inj、 caet cien go vamauxdan、bet cien go valinxgaeq、haj cien go makdauz、cien sam lai go gaeu mbawhung valamz、seiq cien lai go vadalivah、sam cien lai go vanaelamz、sam cien lai go vaaendomq、seiq bak lai go faexaendomq Cunghvaz, bak bet moux gova go- nywj noixmiz haenx, lij miz luengq vayezgi、luengq vaswjveih……Gij doenghgo caeuq gova neix, moix aen geiqciet cungj gak miz yienghceij gyaeundei, yienghsaek maezvunz. Doengh gij va saeklamz saekaeuj saekhoengz saekhenj gak cungj gak yiengh de, gode gwn yingzyangj ndaw namh Goemq- loengxroengq, gij yingzyangj neix Goemqloengx- roengq nyuenz dwg mbouj miz, gode sengmaj, dwg faenh dapgienj gaujniemh ciengz coihndei swnghdai ndeu. Yangz Vwnz haeujsim faenh gaujniemh neix, haeujsim faenh dapgienj ciuhvunz laeng de neix, vihliux faenh haeujsim neix, de ok gij goengrengz ngaenzcienz beij mbouj ndaej haenx.

Youq ndaw ndwenngoenz hwnqguh aen gingjgih swnghdai lijyouz suen faexraeu faexgingq Goemqloengxroengq, Yangz Vwnz rox yungh le doujyinh, de bang bonjfaenh caeuq aen gingjgih cucwz le hauh doujyinh, seiz mbouj seiz geiqloeg caeuq fat gij hwnqguh cingzgvang ndaw gingjgih haeuj ndaw doujyinh bae. Yangz Vwnz vunz mbouj sang mbouj daemq, daet byoem dinj, najnoh ndaem, sing miz di hep, gyaez gangj vahcaen, gangjvah daeuqriu mizyinx, gij singq miz di guhlaeuh de cingq boiq ndaej aen gingjsaek daegbied Goemqloengxroengq, gig vaiq couh supyinx ndaej geij fanh vunz daeuj yawj, dieg gingjgih cugciemh mizmingz hwng’vuengh hwnjdaeuj, gyoengqvunz rox le daeuj youz mbouj dingz mbouj duenh.

Doeklaeng, gij guhfap daegbied coihndei swnghdai bya’gvangq Goemqloengxroengq gingjgih haenx, yinxhwnj cunghyangh、swcigih、si、yen gak gaep cwngfuj yawjnaek……Sojmiz doengh gij neix, dwg Yangz Vwnz guh fangzhwnzloq cungj siengj mbouj daengz, bonjlaiz, de cij siengj youq mwh coihndei Goemqloengxroengq swnghdai, doengzseiz coihndei aen sim mbouj gvaqeiq Goemqloengx- roengq mbouj miz vunz rox de, coihndei baksieng yo youq gizlaeg ndaw sim vunz mbouj rox haenx.

Mboujguenj baenzlawz yiengh, Yangz Vwnz hajcib lai bi, lij dwg boux vunz doenghbaez simgoeg dangqmaz ndeu. De siengj youq Goemqloengxroengq hwnqguh aen gohbuj gihdi ndeu, aen gohbuj gihdi neix, aeu doenghgo dijbauj noixmiz gingjgvanh binjbaiz mizmingz ndaw guek guh muzbyauh, siengj son gij cihsiz swnghvuz lai cungj lai yiengh caeuq baujhoh swnghdai vanzging hawj moix boux daeuj daengz Goemqloengxroengq youz haenx, siengj yinx bouxhek aeu miz eiqsik bae baujhoh swnghvuz lai cungj lai yiengh、baujhoh swnghdai vanzging、vunz caeuq swyenz doxhuz caemhyouq. Hoeng, doengh gijneix, mwh de ndaej 16 bi seizhaenx cix mbouj roxnyinh daengz, bide, de lwgnyezrauh hukngawz neix, youq mwh aeundaej cienzcaiz, cix nyinhnaeuz sojmiz saehcingz cungj mbouj lau. Doeklaeng, de raen le haujlai swnghdai deng buqvaih, hix raen gvaq gij gyaeundei ndawbiengz engq lai haenx, de sawqmwh roxnyinh daengz, seizneix, yienghyiengh cungj lij guh ndaej gib, de lij ndaej boujdauq gij loengloek gaxgonq famh gvaq haenx. Neix yaek dwg gij seiqvunz hajcib lai bi gvaqlaeng mbouj doengz de, seiq vunz neix, hawj ndwenngoenz gaxgonq cauxbaenz de caeuq Goemqloengxroengq lizgyae haenx siusaet liux bae.

Mizseiz, Yangz Vwnz nyaenx mbouj ndaej siengj gij saedceij swhgeij mwh 80 bi youq Goemqloengxroengq haenx, miz faex loeg、va hoengz、raemx lae、doihduz、duznyaen……Neix dwg fuk dozveh geijlai huzndei ndeu, fuk doz neix, sawj de doiq ciuh vunz neix roxyiuj cugciemh laegdaeuq. Soqlaiz, de gagnyinh swhgeij dwg boux vunz mbouj miz gijmaz vwnzva ndeu, de doiq aen seiqgyaiq neix lijgaij, doiq vunz caeuq vunz ndawde gij maqmuengh haenx, doiq guenjleix caeuq doicaenh seng’eiq, cungj dwg baengh swhgeij baez yamq baez yamq buekguh aeundaej, baengh vunz ndaw ranz caeuq gyoengq beixnuengx doxfuz doxrex roemx ndaej roengzdaeuj. Ranz singq Yangz cauhnieb baenz- goeng le itcig genhciz guh saeh goeng’ik, gien geij cien fanh maenz hawj hong gyauyuz caeuq hong yihyoz. Seizneix de youh dauqma daengz Goemq- loengxroengq lo, dauqma daengz dieg hainduj de, baebae dauqdauq baenz lai bi le, lumj byaij gvaq le aen nienzlwnz ndeu. De dingj atlig bae coih doengh gij diegdeih deng uqlah haenx, mwh gij diegdeih ndaej coih ndei bienq hoenghhwdhwd de ndwn youq gwnz dingj farek haenx muenghyawj seiqhenz, sawqmwh raemxda yaek lae roengzdaeuj. De yawjraen, aen dieg deng de dajcauh baenz va hoengz faex loeg rim gwnz dieg, ndaej hawj vunzlai youq gizneix youqhaemh、bing gijgwn、ciengq go, lwgcoz guhyoux sij mbouj ndaej lizbae、lwgnyez caeuq doenghduz guhcaemz, neix cingq dwg aen dieg moq de siengj aeu haenx.

Vahbaihlaeng: 2023 nienz 2 nyied 10 hauh, Yangz Vwnz loeklauq gvaqseiq, haem youq gwnz bo henzgyawj Goemqloengxroengq. Boux dungjswcangj Nanzdanh Yen Dagengangh Canjyezyenz Yangz Cwnggyangz dwg godangz Yangz Vwnz, de laebdaeb caeuq Yangz Gvanghgiz itheij, youq Goemqloengx- roengq guhbaenz aen saehnieb raemx saw bya heu Yangz Vwnz caengz guhbaenz neix.

Bineix 6 nyied, Goemqloengxroengq suen faexraeuq faexgingq swnghdai lijyouz gingjgih ndaej daengz guekgya 4 gaep gingjgih caeuq swcigih haj singhgiz nungzyez yendaiva sifangih niemhsou.

(5 sat)

他想要种一片有趣的林子和花海，亲手规划了整个笼箱盖所有花卉品种的种植和布局，在后来的两年多时间里，他花了数千万元在笼箱盖先后完成种植名贵红枫一万一千多株、杜鹃花五万株、牡丹花七千株、映山红八千株、桃树五千株、大叶蓝花藤一千三百余棵、大丽花四千余棵、蓝雪花三千余棵、绣球花三千余棵、中华木绣球四百余棵，一百八十亩稀有花草，还有月季长廊、紫薇长廊……这些植物和花卉，每个季节有每个季节的姿容和妖娆，呈现不同的迷人色彩。那些千姿百态蓝色紫色粉色黄色白色的花朵，它们的筋脉吸收着笼箱盖本不可能的土地营养，它们的生长考验着一场生态修复的答卷。杨文在意这份考验，在意这份人生最后的答卷，这份在意，让他付出了超越金钱的所有。

在建设笼箱盖枫杏园生态旅游景区的日子里，杨文学会了玩抖音，他为自己和景区注册了抖音号，不时记录和分享景区的建设进程。他身材中等，板寸头、脸庞黝黑，声音有些沙哑，爱讲真话、实话，语言幽默风趣，还有些痞帅，配上笼箱盖独一无二的景观，很快吸引了几万粉丝，景区逐渐名气大涨，慕名而来的游客络不绝。

后来，笔箱盖景区矿山生态修复的独特性引起中央、自治区、市、县各级政府的高度重视……这一切，是杨文做梦都没想到的，原本，他只想在修复笼箱盖生态的同时，修复自己对笼箱盖无人触及的愧疚，修复心底不为人知的隐秘伤口。

无论如何，五十多岁的杨文仍然是从前那个野心勃勃的人。他想要在笼箱盖打造一个以国内珍稀植物景观知名品牌为目标的科普基地，想要对每一个来到笼箱盖的人普及生物多样性和生态环境保护知识，想要引导游客树立保护生物多样性、保护生态环境、人与自然和谐相处的意识。而这些，是他十六岁时没有意识到的，当年无知的少年，在获取财富的时候，以为一切可以肆无忌惮。后来，他见过太多对生态的破坏，也见识更多世间的美好，他突然意识到，一切还来得及，他还可以弥补曾经犯下的过错。这将是他五十多岁后不一样的人生，这人生，让时光曾为他划下的与笼箱盖的距离消失殆尽。

有时候，杨文会忍不住想象自己八十岁时在笼箱盖的日子，绿树、鲜花、流水、飞禽、走兽……那是一个多么和谐的画面，这画面，随着他对这人生的理解逐渐深刻。一直以来，他自认是个没什么文化的人，他对这个世界的理解，对人与人之间的期盼，对生意的管理和推进都是靠自己一步一步打拼下来，靠家人和兄弟们相携相扶积累下来的。杨氏创业成功后一直坚持公益，捐了数千万元到教育和医药上。如今他又回到笼箱盖，回到初始地，在兜兜转转这么多年后，像走了一个轮回。他顶着压力去修复那些被污染的土地，当那些被修复的土地焕发出自从被开采、被践踏后再也没有过的生机时，他站在那个锅盖顶上环顾四周，突然就有了想流泪的冲动。他发现，这个被他改造成满目繁花、落英缤纷的世界，这个可以让大家在这里露营、烧烤、歌唱，情侣在这里不舍分别、孩子与动物无障碍交流的世界，正是他想要的美丽新世界。

后记：2023年2月10日，杨文意外去世，葬于笼箱盖附近山头。南丹县大健康产业园董事长、杨文的堂兄杨正强，继续和杨光吉一起，在笼箱盖完成杨文未竟的绿水青山事业。6月，笼箱盖枫杏园生态旅游景区将同时迎来国家4A级景区和自治区五星级农业现代化示范区验收。

（完）