（ciep banj daeuz）

Nanzningz Si Liengzging Gih Banzlungz Segih dwg aen segih lai minzcuz comzyouq ndeu. Siz Ginbingz daeuj daengz segih dangjginz fuzvu cunghsinh, dingq boux guhhong dangciengz gaisau cingzgvang mizgven haiguh cawjdaez gyauyuz、coihawj bienh minz leih giyez、banh hozdung miz daegsaek minzcuz daengj, haengjdingh gij guhfap gyoengqde dingjmaenh dangjgen yinxlingx comz rengz、fuzvu guh goek coi hwngfat. Youq fungh vwnzdij hozdung, de yawjngonz gyoengqvunz segih lienh raiz saw、habciengq fwen, caeuq daihgya gangjgoj vanyad, gujli segih yungh ndei vunzcaiz、ciengzdieg daengj swhyenz, haiguh engq lai vwnzva hozdung doiq ndang ndei、miz dungxcaiz de, yungh neix gikfat naengzliengh cingq engq lai. Siz Ginbingz vixok, segih dwg aen gihbwnj danhyenz gihcwngz gagguenj, dwg gij giekdaej gihcwngz aen dijhi ceihleix guekgya. Doenggvaq segih aen bingzdaiz neix, banh ndei “it laux it saeq” daengj saeh bouxminz caeuq hongsaeh daihgya, gaenxmaenx hoizwngq vunzlai gvansim, dwg gijndei yienhda gihcwngz ceihleix miz daegsaek Cungguek, aeu yungh ndei gijndei neix. Hwnqguh aen segih lai minzcuz vunzlai doxgyaux, dwg diuzroen youqgaenj coicaenh gak cuz vunzlai doxgyau doxyungz. Gvangjsih hwnqguh aen dieg yienghndei couqmaenh gij eiqsik caezcaemh Cunghvaz Minzcuz, aeu daj gihcwngz segih hainduj guh, doenggvaq hwnqguh aen segih netsaed、gij fuzvu segih ndeindi、hozdung segih lai, cauh’ok gij heiqfaenh noengznwd gak cuz bouxminz ranz vunz ndeu, aeu guh minzcuz doxgiet engq ndei bae.

Mwh lizhai segih, gak cuz vunzlai yiedcingz soengq cungjsuhgi, Siz Ginbingz caeuq daihgya naeuz, gou ngoenzlwenz bae Yeznanz camcunz gueksaeh liux, doq daeuj Gvangjsih gaujcaz diuyenz. Cauhlaeb aen gungdungzdij minghyinh Cungguek Yeznanz miz canloz yiyi, yaek engq mizleih Gvangjsih haicuengq hwngfat, aen Gvangjsih maenghndei baihnaj ronghsag. Gvangjsih dangguh aen dieg gagguenj guek raeuz gyaeujvunz siujsoq minzcuz ceiq lai, gak cuz bouxminz dingjgyaeuj caemh aen- mbwn、caemh ndaem doengh naz ndeu、caemh gwn dah raemx ndeu, caemh hwnq aen gyaranz ndeu. Cienzmienh hwnqguh aen guekgya yiengh yendaiva sevei cujyi, mbouj ndaej noix saek aen minzcuz. Maqmuengh segih gak cuz vunzlai lai baedauq, daihgya doxbang doxcoengh, gyau lauxdoengz, guh ranznden huzndei, caezcaemh hwnqguh aen gyaranz vuenyungz.

14 hauh banringzgvaq, Siz Ginbingz daengz Laizbinh Si gaujcaz diuyenz. Youq Dieggoek Ndaem Oij “Song Sang”Ndei Vangzanh Suen Canjnieb Nungzyez Daihneix Guek- gya, Siz Ginbingz cazyawj ndoeng oij fanh moux caeuq yungh gihgai guhhong, dingqaeu dieggoek cingz- gvang gaisau. De byaij haeuj ndoeng oij, ciengzsaeq roxyiuj gij dinfwngz ganq ceh ndei, caeuq boux ndaem oij、 boux hai gihgai nem boux vunz gisuz dajndaem gangjgoj vanyad. Siz Ginbingz vixok, Gvangjsih dwg aen dieg cujyau ndaem oij guek raeuz, aeu guh hung guh ak aen canjnieb gijndei miz daegsaek neix, vih baujcang guekgya dangzyez ancienz、coicaenh boux ndaem oij laisou baenzmiz fatok cozyung engq hung. Aeu gaenxmaenx gungganq caeuq doigvangq ceh ndei、daezsang gihgaiva guhhong suijbingz, hwnqguh ndei suen canjnieb nungzyez daihneix. Aeu damqra laebbaenz aen gihci doxgiet leih’ik engqgya onjdingh, hawj gyoengq bouxguhnaz caezyungh gij cingzgoj lajmbanj gaijgwz caeuq hwngfat. De maq- muengh gyoengq beixnuengx ndwen- ngoenz van lumj dangz nei.

Riengzlaeng, Siz Ginbingz daengz Laizbinh Dunghdangz Fung- vangz Mizhanh Gunghswh gaujcaz. De haeuj aen cehgen guhhong cazyawj dinfwngz guh dangz caeuq aen liuzcwngz guhhong, youq gunghswh aen ding langhbaij roxyiuj dangzyez canjbinj cungjloih caeuq hawciengz faenngeg nem hwngfat byaijyiengq. De daegbied naeuz, guek raeuz dangzyez bungq gozci doxceng haenqrem, aeu ciuq gij iugouz gauhdonhva、ci- nwngzva、saekloegvaq, gyalai rengz gohgi cauhmoq, ietraez diuzlienh canjnieb, daezsang gyaqcienz nem- gyonj, mboujduenh daezcaet、noix- goek、demyauq, doidoengh hwngfat ndei saed. Mwh lizhai giyez, Siz Ginbingz caeuq gyoengq boux guh- hong daeuj soengq de naeuz, dangz dwg gaiqgwn saejdaeuz youqgaenj, daihgya vihneix gaenx hong, soengq gij “van” bae hawj cien ranz fanh ranz. Maqmuengh daihgya mbouj- duenh hag dinfwngz moq、yungh dinfwngz moq, vih dangzyez hwngfat ok goengrengz moq.

15 hauh banhaet, Siz Ginbingz dingqaeu gij bauqlwnh hong Gvangj- sih Bouxcuengh Swcigih Dangjveij caeuq Cwngfuj, haengjdingh gij cingzcik Gvangjsih guh gak hangh hong aeundaej haenx.

Siz Ginbingz vixok, doidoengh Gvangjsih hwngfat ndei saed, aeu guh ndei bien faenzcieng canjnieb ak, gyavaiq cauhlaeb aen dijhi canjnieb yiengh daihneix. Aeu laebdin swhyenz ndei lai caeuq canjnieb giekdaej, comzyawj canjnieb gijndei, comz swhyenz gijndei, dajcauh canjnieb cengjdingj lai aen yienh’ok gij daegsaek caeuq gijndei Gvangjsih、baenz gveihmoz haemq hung caeuq miz rengz daiqdoengh haemq ak de. Baij gohgi cauhmoq youq diegvih engqgya doedok, laegdaeuq gyauyuz gohgi vunzcaiz cunghab gaijgwz, gyagiengz gohgyau cauhmoq caeuq canjnieb cauhmoq yungzhab, gya- giengz gungroengz gij dinfwngz haedsim gvanhgen, gyalai rengz gaijcauh dinfwngz caeuq canjbinj swnggaep. Cungfaen leihyungh gijndei henz haij henz dah, haenqrengz hwngfat haijyangz ginghci、henz gangj canjnieb, gyavaiq diuzcingj guhndei canjnieb gezgou, doidoengh aen dijhi canjnieb saekloeg cienjhingz, hwngfat guh hung linzyez canjnieb、vwnzlij canjnieb、ciengxlaux canjnieb、ndang- cangq canjnieb, hawj gijndei swnghdai mboujduenh cienjvaq baenz gijndei hwngfat.

Siz Ginbingz daegbied gangj daengz, Gvangjsih aeu laebdaeb gyalai doiqndaw doiqrog haicuengq. Aeu demgiengz ndaw rog lienzdoengh, cauhlaeb aen dijhi ginghci yiengh haicuengq miz rengzhoengh engq lai. Cawjdoengh fuzvu aen canloz hung- naek guekgya, doxciep aen baijbouh moq canjnieb gizdieg fatdad henz haij, miz bouhloh cienzswnj canjnieb baenz mbaek bae cienjsenj, gyavaiq Dieg Ginghci Bwzbuvanh caeuq Rangh Ginghci Cuhgyangh—Sihgyangh hai- fat haicuengq, dajcauh Gvangjsih baenz aen diegdungx canloz youqgaenj Yez Gangj Au Davanhgih. Aeu caezhwnq diuzroen moq luzhaij baihsae, saedhengz buek hanghmoeg giekdaej sezsih gyaudoeng hungnaek ndeu, hwnqguh Bingzlu Yinhoz biucinj sang、caetliengh sang bae, suijbingz sang dajcauh Bwzbuvanh gozci mwnzhugangj, daezsang dah dietloh haij lai yiengh lienzyinh caeuq swdung’va suijbingz. Gaenx- maenx fuzvu hwnqguh aen gung- dungzdij minghyinh Cungguek—Dunghmungz, sanghmou、guhhong、canjnieb、gohgi、gyauyuz daengj dieg laegdaeuq gya’gvangq caeuq Dungh- mungz guekgya doxgap, dajcauh aen dieg bienhleih guenjguh hawciengz doxhop ndaw guek rog guek, gyalai doxyungz caezhwnq “it rangh it loh”.

Siz Ginbingz vixok, saenqhwng lajmbanj dwg aen gunghcwngz giekdaej hwnqguh aen guek ak nungzyez, aeu doeksaed gviveh、netsaed doicaenh. Aeu cienzmienh doeksaed haeuxgwn ancienz caeuq dangj cwng caemh cwzyin, dingjmaenh najdieg onj、canjliengh gya song fwngz ok rengz, saedyienh haeuxgwn bingzyaenx demlai. Fatok gijndei Gvangjsih mak byaek doihduz dangz daengj miz daegsaek swhyenz lai, haenqrengz hwngfat gij canjnieb nungzyez miz daegsaek daihneix, hawj engq lai nungzyez binjbaiz “Hauh Cih Gveiq” daengx guek mizmingz. Mboujdan gujli ngaenzcienz gunghsangh roengz mbanj, youh aeu gaemmaenh daejsienq, fuengz ciemq- yungh reihnaz mbouj ndaem doenghgo gaiqgwn、mbouj guh dajndaem. Gyavaiq laebcaez aen dijhi ceihleix lajmbanj, gaijndei lajmbanj giekdaej sezsih、gunghgung fuzvu、vanzging vunz youq, daezswng yiengh daengx aen mbanj caeuq gij binjcaet ndwenngoenz bouxguhnaz. Gyamaenh gya’gvangq gij cingzgoj vut gungz gunggeng, laebbaenz aen gihci bang- fuz ciengzseiz gyaeujvunz souhaeuj noix lajmbanj, fuengz bienq dauq gungz lai.

Siz Ginbingz daegbied gangj daengz, Gvangjsih aeu dawz couq- maenh gij eiqsik caezcaemh Cunghvaz Minzcuz dangguh diuz sienqmeh gak hangh hong swcigih, dangguh aen fuengyiengq gaenbonj doicaenh hong cauhlaeb minzcuz doxgiet baenaj, aen gizmen ndei gyamaenh hwngfat gak cuz bouxminz doxgiet buekguh. Aeu laebdaeb caprag couqmaenh gij eiqsik caezcaemh doeksaed daengz ginghci、gyauyuz、couhnieb、hwnqguh segih、hwnqguh vwnzva caeuq hwnqguh aen doih ganbu daengj hangh hong bae, minzcuz doxgiet baenaj aeu laebdaeb byaij youq daengx guek baihnaj. Aeu caenhrengz bae guh、yawj rengz bae guh、dingjmaenh mbouj vut, roengz- rengz gaijgwz ndei couhnieb、gyauyuz、ywbingh、ranzyouq、ciengxlaux、bang dawz lwgnyez daengj minzswngh vwndiz, cugciemh sukdinj hawsingz lajmbanj doxca、gizdieg doxca、minz- cuz doxca, netsaed doicaenh caez- caemh baenzmiz. Laebdaeb doicaenh aen hengzdoengh hwng bien fouq minz seizdaih moq.

Siz Ginbingz vixok, dingjmaenh caeuq gyagiengz dangj cienzmienh lingjdauj, dwg gij baujcingq gaenbonj guh ndei gak hangh hong. Aeu giengiet gvancez doeksaed gij anbaiz baijbouh Dangjcunghyangh, gyagiengz hwnqguh aen banhswj lingjdauj, mboujduenh daezsang suciz caeuq naengzlig aen doih ganbu, gikcoi dangjyenz ganbu guh guen seuqcengh、guh saeh seuqcengh. Buek daihngeih cawjdaez gyauyuz daengz satbyai, aeu hainduj ndei gietsat goj ndei, laebbaenz laebndei aen gihci ciengz- geiz baengh hag couq hoenz、baengh hag dem uk、baengh hag cingq rumz、baengh hag coi guh.

Siz Ginbingz daegbied gangj daengz, rieng bi gyaeuj nienz, gak gaep dangjveij caeuq cwngfuj aeu cietsaed guhndei hawciengz gung- wngq、minzswngh baujcang, guh saeq ca ndei ancienz guhhong, haeujrwz gaijgez aen vwndiz yiemq cienzhong nungzminzgungh, baujmaenh boux- minz vunzlai ngoenzciet angqangq yangzyangz. Geij ngoenz neix, guek raeuz Vazbwz、Vangzvaiz daengj dieg miz nae naek, yingjyangj daengz bouxminz vunzlai gvaqngoenz guh- hong, gak dieg、gak mizgven bumwnz aeu lai haeujsim, yungh banhfap rengzrwd, roengzrengz hawj caihaih yingjyangj ceiq noix.

Cunghgung Cunghyangh Cwng- cigiz cangzveij、Cunghyangh Ban- gunghdingh cujyin Cai Giz buenx gaujcaz.

Vangz Yi、Lij Gangez、Hoz Lizfungh、Vangz Siujhungz caeuq cunghyangh nem guekgya gihgvanh mizgven bumwnz boux fucwz dungzci buenx gaujcaz, Cawjdaez Gyauyuz Cunghyangh Daih Cib’it Cunzhoiz Cijdaujcuj boux fucwz dungzci camgya hoih bauqlwnh.

12 nyied 15 hauh banhaet, Siz Ginbingz youq Nanzningz ciepraen cap Nanzningz budui sang’yau doxhwnj lingjdauj ganbu, daibyauj Dangj- cunghyangh caeuq Cunghyangh Ginh- veij caensim camnai daengxcungq guen bing cap Nanzningz budui, caemhcaiq caeuq daihgya hab’ingj louzniemh. Cangh Youyaz buenx ciepraen.