习近平在广西考察时强调

解放思想创新求变向海图强开放发展

奋力谱写中国式现代化广西篇章

Sinhvazse Nanzningz 12 nyied 15 hauh dienh Cunghgung Cungh- yangh cungjsuhgi、Guekgya cujsiz、Cunghyangh Ginhveij cujsiz Siz Ginbingz mboengqneix mwh youq Gvangjsih gaujcaz daegbied gangj daengz, Gvangjsih aeu caezcienz、cinjdeng、cienzmienh gvancez aen leixniemh hwngfat moq, gaenjndaet gaemdawz hwngfat ndei saed aen yinvu daih’it neix caeuq cauhlaeb aen gwzgiz hwngfat moq aen canloz yinvu neix, fatok gijndei bonjfaenh, aeu couqmaenh gij eiqsik caezcaemh Cunghvaz Minzcuz guh sienqmeh, gejcuengq swhsiengj、cauhmoq gouz bienq, coh haij maeuz ak、haicuengq hwngfat, roengzrengz youq gwnz doidoengh gizdieg minzcuz bien’gyaiq hwngfat ndei saed miz dangguh engq lai, youq gwnz hwnqguh aen Gvangjsih maenghndei sevei cujyi miz daegsaek Cungguek seizdaih moq mboujduenh aeundaej baenaj moq, haenqrengz raiz bien faenzcieng Gvangjsih yiengh yendaiva Cungguek.

12 nyied 13 hauh, Siz Ginbingz gietsat camcunz Yeznanz dauq daengz ndaw guek. 14 hauh daengz 15 hauh, Gvangjsih Bouxcuengh Swcigih Dangjveij suhgi Liuz Ningz caeuq Swcigih Cwngfuj cujsiz Lanz Denhliz buenx, gonqlaeng daengz Nanzningz、Laizbinh daengj dieg, bae aen hanghmoeg doiqrog haicuengq、segih、lajmbanj、giyez daengj dieg diuyenz.

14 hauh banhaet, Siz Ginbingz daih’it gaujcaz le Cungguek—Dunghmungz Sinsizgangj Gujfwn Mizhanh Gunghswh youq Nanzningz Si haenx. Siz Ginbingz ciengzsaeq roxyiuj Cungguek—Dunghmungz sin- sizgangj hwnqguh guenjguh、 Cung- guek—Dunghmungz ginghmou doxgap daengj cingzgvang, giethab Bingzlu Yinhoz sabuenz dingqaeu gij bauqlwnh hwnqguh diuz roen moq luzhaij baihsae. Siz Ginbingz vixok, hwnqguh Cungguek—Dunghmungz sinsizgangj, dwg hangh banhfap youqgaenj doidoengh caezguh “it rangh it loh”、gyagiengz guek raeuz caeuq Dunghmungz guekgya dox- lienz doxdoeng ndeu. Gvangjsih aeu cawjdoengh dangguh、fatok gij cozyung diemjcengj, gyagiengz sin- sizva hwnqguh caeuq wngqyungh, mboujduenh guenqhaeuj rengzdoengh moq bae doicaenh doiqrog suijbingz sang、coicaenh caeuq Dunghmungz doxgap.

（cienj banj ngeih）