12 nyied 8 hauh, Nanzdanh Yen guh aen hozdung fanh vunz langhbaij feihyiz Nanzdanh Yen bi 2023. Doengh boux lwghag cunghsiujyoz biujyienj le《Fwen Nanzdanh》《Gyong Gujlanz Bouxcuengh》《Foux Faexsaux》daengj lai yiengh cezmuz feihyiz, hawj vunzlai daejniemh yienghndei feihyiz. Hozdung youq gak yanghcin lij guh hoihciengz dem, 《Gienz Langzbing》《Lwg Maxlaeuz Caemz Gyong》 daengj buek cezmuz miz gij daegsaek Nanzdanh caemh mizyinx raeuh. Gyawj geij bi neix, Nanzdanh gaenxmaenx doidoengh youq ndaw hagdangz cienzboq caeuq cienzciep vwnzva feihyiz, saedyienh “feihyiz haeuj hagdangz” bienqbaenz “feihyiz youq hagdangz”.

（Veiz Loz /韦 乐）