12 nyied 6 hauh, Swcigih Boz- vuzgvanj、Gvangjsih Siujsoq Minzcuz Gujciz Baujhu Yenzgiu Cunghsinh、Gvangjsih Minzcuz Cuzbanjse doxyaeng caez hwnq le“sawgeq Cunghvaz ——dieg baijyawj gij cwngzgoj cingjleix okbanj sawgeq gak minzcuz Gvangjsih”, caiq guh aen yizsiz biengjbaiz sam fueng doxgap hwnqguh ciemdingh.

Aen dieg baijyawj youq “Ranzsaw Ouhloz”laeng seiq laeuz Swcigih Boz- vuzgvanj. Aen de dazyinx bouxdoegsaw daj gij cwngzgoj cingjleix okbanj sawgeq roxyiuj gij lizsij gak minzcuz “sam gyau”, haivat fatyiengz gij swhsiengj minzcuz doxgiet baenaj ndawde, dazyinx vunzlai gak minzcuz laeb yawjfap deng bae yawj lizsij Cunghvaz Minzcuz, hawj sawgeq siujsoq minzcuz ndaej aeu bae couq- maenh gij eiqsik caezcaemh Cunghvaz Minzcuz.

Aen dieg baijyawj geiz daih’it hwnqguh gaenq sou le Bouxcuengh、Bouxgun、Yauzcuz、Myauzcuz、Dungcuz、Mulaujcuz、Mauznanzcuz、Ginghcuz、Veizcuz、Yizcuz daengj 150 lai cungj yaek 2000 cek sawgeq. Bouxdoegsaw yawj saw hix mbouj aeu ngaenz.

（Hoz Yenzgaij/何元凯）