Mboengqneix, Nanzningz Si Yunghningz Gih banh 2023 nienz guekgya gaep feihvuzciz vwnzva yizcanj daibyaujsing hanghmoeg——doxdax guh ciengj bauqva Boux- cuengh. Baez doxdax neix muzdiz dwg gungganq aen doih cienzswnj feihyiz, guh ndei hong cienzswnj feihyiz hanghmoeg ciengj bauqva Boux- cuengh.

Baez doxdax neix gyoengq vunz bingzsaemj youz aen doih ciennieb bingzsaemj caeuq vunzlai bingzsaemj gapbaenz. Gyoengq vunz ciennieb bingzsaemj dwg swcigih gaep feih- vuzciz vwnzva yizcanj daibyaujsing bouxcienzswnj、gak hagdangz lauxsae caeuq aen gihgou dijyuz daengj gapbaenz. Vunzlai bingzsaemj dwg dangciengz senj 20 boux vunzyawj gapbaenz, ginggvaq bingzsaemj, doek- laeng senjok it daengjciengj boux ndeu, ngeih daengjciengj 2 boux, sam daengjciengj 3 boux, ciengj maenh- ndei 4 boux.

Swcigih gaep feihvuzciz vwnzva yizcanj daibyaujsing bouxcienzswnj Sunh Swjgiz naeuz, binaengz liggaeuq ndwenngeih co’ngeih Bouxcuengh guh ciengj bauqva, doiq Bouxcuengh daeuj gangj miz yiyi lai, dangguh guekgya gaep feihvuzciz vwnzva yizcanj daibyaujsing hanghmoeg, engq aeu lai cienzswnj aen hanghmoeg neix, maqmuengh doenggvaq baez doxdax neix langhbaij gij yinxdaeuz vwnzva ciengj bauqva Bouxcuengh, caenh- itbouh doidoengh Nanzningz Si Yunghningz Gih feihyiz cienzswnj saehnieb hwngfat ndei saed.

Baez doxdax neix langhbaij le guhlawz guh ciengj bauqva Boux- cuengh, langhbaij le ciengj bauqva Bouxcuengh youq seizdaih moq guhlawz cienzswnj caeuq cauhmoq, coenghrengz Nanzningz Si Yunghningz Gih feihyiz vwnzva saehnieb hwngfat.

(Vangz Yungj)