Bonjbauq siusik （gicej Vangz Yinz/黄云）Cingq daengz Liuj Cunghyenz boux canghraiz maenh’ak Dangzciuz neix gvaqseiq 1204 hopbi, 11 nyied 28 hauh, aen cuj cit heiq minzcuz 《Liuj Liujcouh》 bae daengz Aen Gunghyenz Liujhouz Liujcouh Si hai aen hoih fatbouh sinhvwnz. Doengh boux canghheiq cawjdaeuz cungj daeuj caez, gyoengqde geqgangj vihmaz guh cit heiq neix, lwnh cit de miz maz daegsaek, caemhcaiq fatbouh 《Ep Siet》 diuz fwen cawjdaez neix.

Cit heiq 《Liuj Liujcouh》 lwnh gij goj Liuj Cunghyenz youq Liujcouh guh seiq bi cisij, de dauq coih vwnzmiuh, cienzboq cihsiz Ranzyuz, son’gyauq gamjvaq vunzlai, gaijfang lauxbaeh, ndaem gomakgam goliux, haifwz vat cingj, guh swnghcanj. Seizneix, gyoengqvunz cingq cugdi bienbaiz heiq.