12 nyied 1 hauh, Ciet Lijyouz Vwnzva Liuz Sanhcej Gaiq Cibseiq youq Hozciz Si Yizcouh Gih banh. Gwnz haimuqsik, fwen、caijdiu、gofoux daengj doxlwnz hwnj daiz yienj, yinx ndaej baenz fanh vunz daeuj yawj.

Ciuq cam rox, baez ciet lijyouz neix cawjdaez dwg “mbanjranz Sanhcej·Yizcouh fwenhaij”. Hozdung neiyungz lai, fanveiz gvangq、seizgan raez, hawj bouxhek rog gih ndaw gih caezcaemh caeuqfaenh ciengz hoih- hoengh neix. Hozdung anbaiz Ciet Lijyouz Vwnzva Liuz Sanhcej Gaiq Cibseiq haimuqsik yienjheiq、minzsuz cunzyouz、seizdoeng youz Yizcouh、baijgai huq daengj hozdung. Ndwen seizgan ndawde, gyoengq bouxhek ndaej yawjngonz gij bya heu raemx saw gyaeuget、nyinhrox gij vunz gij fungsug lauxsaed, dingq gij fwen Sanhcej ndeidingq, cimz gijgwn ndei deihfueng daegbied gag miz.

Geij bi neix daeuj, Hozciz Si Yizcouh Gih cungfaen fatok gij goeng- naengz lijyouz angqhoh ngoenzciet, coihawj vwnzva、lijyouz、canjyez hwngfat lai yiengh, senhconz caeuq langhbaij gij yienghsiengq vwnzva lijyouz, caenh’itbouh guh ndei gaiq ciubaiz gim lijyouz vwnzva Liuz Sanhcej Yizcouh. Gvangjsih Hozciz Si Liuz Sanhcej Vwnzva Lijyouz Douzswh Cizdonz Gunghswh cungj- ginghlij Youz Haijhuz naeuz, bineix doxdaeuj, Yizcouh Gih laebdin swh- yenz lai, cungdenj doicaenh hwnqguh doengh gij hanghmoeg mbanjranz Liuz Sanhcej daezswng hanghmoeg、Aen Gingjgih Nuengxroek、Aen Gingjgih Byahoihsien daezcaet swng- gaep daengj, bineix 1-11 nyied, Hozciz Si Yizcouh Gih gungh ciep- daih bouxhek 598.36 fanh vunz- baez, doengzbeij demmaj 37.58%; lijyouz siuhfei gungh 59.86 ik maenz, doengzbeij demmaj 10.61%.

(Vangz Haumingz daj Sinh- vazvangj genj aeu mbangj hoiz)