11 nyied 23 hauh, Gvangjsih “giyez minzyingz bae henzguek”（Bwzswz）aen hoih siengngeix doxgap canjnieb youq Bwzswz Si haiguh. Neix yinx le 100 lai aen giyez camgya, yienhciengz ciemdingh 15 aen hangh- moeg, cungj douzswh 57.29 ik maenz. Ndawde gvendaengz aen canjnieb nungzyez yienhdaih、sinhnwngzyenz、swnghdailij、caizliu moq、linzyez caeuq vwnzlij ganghyangj daengj canjnieb youqgaenj, coenghrengz gij dieg henzguek leihyungh gij ndei diegyouq、guh caezcienz gezgou canjnieb、cauxlaeb aen daihbuenz moq daengx buenz cuengqlangh hwngfat.

Bwzswz Si youq gwnzhoih cawj- daeuz geqgangj cungj swnghdailij moq ndeu、linzyez、nwngzyenz moq、caizliu moq aen canjnieb youqgaenj, doengh aen giyez caeuq bouxseng’eiq dingq le raen gig mizyinx. Bwzswz Si 12 aen yienh （si gih）、Bwzdungh Sinhgih lij nda dieg siengngeix, bienhleih aen giyez caeuq bouxseng’eiq haeujlaeg doxgyau. Aen hoih hai sat le, gyoengqde lij bae yenzgih caeuq giyez cazyawj.

Baez hoih siengngeix Bwzswz dwg aen hozdung ciu sieng yinx douzswh, dwg gih raeuz bineix daegdaengq vih dieg henzguek hai haenx, baezneix dwg ciengz daih- ngeih.

（Veiz Bungzyen/韦鹏雁 Liu Munghih/廖梦溪）