Ngeix daengz seiz gaxgonq,

Fonj ndang mbouj miz rengz,

Ngoenzneix saenzheiq geng,

Bengz lumj gim lumj nyawh.

Ngoenzneix gou baenz ranz,

Docih Gungcanjdangj,

Aen de lumj haij gvangq,

Cingz de langh lumj mbwn.

Gangj lai cix miz lai,

Nai mbouj liux mbouj caenh,

Vunz mbanj bouxboux haenh,

Gou ngoenzneix baenz vunz.

Gou gangj baenzlai vah,

Daeuj lumj raemxdah lae,

Cuengq da yawj bae gyae,

Raeuz saedceij miz muengh.

Gou goetmingh caen ndei,

Meiz(miz) dangj dawz daeuj goq,

Vunzlai sim hix soh,

Goq gou ndaej baenz vunz.

Gangj daengz neix doxdauq,

Gou bauj guekgya raeuz,

Miz dangj daeuj daiqdaeuz,

Fouqmiz cienfanh daih.

Gangj daengz neix doxdauq,

Hauq yied gangj yied lai,

Lamq ngoenzcog mbouj dai,

Cij daeuj nai baez ngeih.

（sat）