Mboengqneix, Gaiq Daih Cib’it Mauzdun Vwnzyozciengj fatciengj denjlij youq Cezgyangh Dungzyangh Vuhcin banh, Swcigih Vwnzlenz cujsiz、Gvangjsih Cozgyah Hezvei cujsiz Denz Dailinz（bitmingz：Dunghsih） bien sawcuenh raez《Hoizyiengj》ak gvaq gyoengq cozbinj cambingz haenx, baenz gaiq Mauzdun vwnzyozciengj neix 5 bouh ndaej ciengj ndawde bouh ndeu. 11 nyied 24 hauh, Swcigih Dangjveij suhgi Liuz Ningz youq Nanzningz caeuq Dunghsih boux ndaej ciengj dawz mingzdaeuz dauqma neix doxraen, daiqbiuj Swcigih Dangjveij cukhoh de ndaej Mauzdun vwnzyozciengj.

Liuz Ningz naeuz, baez neix ndaej ciengj dienzbouj le gij hoengq boux canghraiz Gvangjsih caengz ndaej Mauzdun vwnzyozciengj gvaq, dwg gienh saeh’angq daengx gih vwnzyigai ndeu. Maqmuengh Dungh- sih gaemdawz mbat seizgei ndaej ciengj neix, daiqdaeuz haeujlaeg hagsib gvancez gij swhsiengj vwnzva Siz Ginbingz, daiq ndei aen doih “Vwnzyoz Gveiginh”, gungganq engq lai vunzmoq vwnzyoz, cauhguh hawj lwgminz、cuengqgo hawj seizdaih, haenqrengz doinyoengx gwnz roen moq Gvangjsih vwnzyi benz diegsang、bin byasang aeu ndaej cingzcik moq. Gvangjsih hwngfat ndei saed aen seiz gaenq daengz、heiqseiq gaenq baenz, maqmuengh gyoengq boux guhhong vwnzyi daengx gih danqhaenh seizdaih moq hoenghhwd, cungfaen vatcimh gij vwnzva swhyenz lai Betgveiq daihdeih, daj ndaw couqmaenh gij eiqsik caezcaemh Cunghvaz Minzcuz、hwnqguh Bingzlu Yinhoz daengj gij saedguh sengdoengh hwnqguh aen Gvangjsih maenghndei seizdaih moq aeu gij yingzyangj cauhguh, gangj ndei gij gojgaeq Cungguek、gojgaeq Gvangjsih, youq gwnz roen moq haenqguh yiengh yendaiva Cungguek, raiz ok engq lai cozbinj ndei hab seizdaih、 hab Gvangjsih、hab lwg- minz, caenh’itbouh guh ndei aen binjbaiz “Vwnzyoz Gveiginh”, vih giet sim comz rengz hwnqguh aen Gvangjsih maenghndei seizdaih moq guenqhaeuj rengz cingsaenz hung’ak.

Dunghsih gyo’mbaiq Swcigih Dangjveij gig yawjnaek caeuq haenq- rengz haeujcoengh hong vwnzva, gaisau le Gvangjsih vwnzyoz saehnieb hwngfat caeuq bouxvunz cauhguh mizgven cingzgvang, naeuz aeu laeb- daeb haeujlaeg hagsib gvancez gij swhsiengj vwnzva Siz Ginbingz, ciuq gij baijbouh iugouz Swcigih Dangjveij, daiqdoengh engq lai canghraiz caeuq boux guhhong vwnzyoz yungz gij lijsiengj yisuz haeuj ndaw gij saehnieb dangj caeuq lwgminz bae, yungzhaeuj ndaw ciengzgingj hungmbwk hwnqguh aen Gvangjsih maenghndei seizdaih moq bae, comzyawj hwnqguh Bingzlu Yinhoz daengj cawjdaez, din caij Betgveiq daihdeih, roengzsim cauh- guh, cauh cingzcik ndei moq, mbouj- duenh gyalai gij rengz yingjyangj binjbaiz “Vwnzyoz Gveiginh”, roengz- rengz vih doinyoengx Gvangjsih vwnz- va saehnieb hwngfat ndei saed lai ok goengrengz.

(Cinz Yizcwz Cinz Gyangz daj 《Gvangjsih Yizbau》 genj aeu mbangj daeuj hoiz)