Mboengqneix, Aen Daihdoih Gouqcoengh Siufuengz Cingsih Si swnh ndwen lwnhgangj “119”siufuengz, cujciz doengh boux ganbu siufuengz bae doengh aen bouqdiemq、doengh diuz haw laeng diegguenj lwnhgangj ancienz siufuengz. Gyoengqde hawj bouxseng’eiq caeuq vunz byaij roen fat swhliu、doxgaiq lwnhgangj, youz haw youz hongh, son vunzlai baenzlawz yungh aen bingz ndaep feiz, yienghlawz re feiz dawz ranz, feiz dawz guhlawz bauqgingj、ndaep feiz caeuq deuzmingh gaggouq daengj. Aen Daihdoih Gouq- coengh Siufuengz Cingsih Si yaek aeu lai yiengh fuengsik lwnhgangj, hawj vunzlai haeuj- sim ancienz siufuengz.

（Vangz Yiciz/黄玉植）