Gyoengq doengzdoih neix youq baihrog dajgoeng, faensanq youq gij gunghcangj、dieghong Sinhcin、Dunghgvanj、Gveilinz daengj dieg. Yangz Gijliengz siengj ciucomz gyoengqde dauqma, daihgya itheij guh saeh cauhnieb.

Aen siengjfap ndaem varum neix gyoengq doengzdoih cungj nyinhdoengz, daihgya baez gangj couh hab, gietdingh swz gij hong gwnz fwngz, itheij dauq Mbanjmyauz Canghgyahdangz ndaem varum.

Yinz Gyahliengz yienzbonj youq aen cangjhaiz ndeu hwnjban,“yienznaeuz souhaeuj lij ndaej, hoeng ndaw sim gou itcig miz aen siengjfap dauq mbanjranz cauhnieb, dingq gvaq aen siengjfap Gijliengz, gou gikdoengh dangqmaz, dangciengz couh gietdingh ma mbanj itheij cauhnieb.”

Naeuz guh couh guh! Roek boux hauxseng Myauzcuz “80 haeuh” doxciep dauqma daengz Mbanjmyauz Canghgyahdangz, laebbaenz le aen conhyez hozcozse ndaem varum, gietdingh co gij reihnaz ranz gungzhoj, daiqdoengh vunzmbanj ndaem vagut Feihcouh.

Hoeng, aen vwndiz yienhsaed ndeu youh baij youq dangqnaj bouxcoz——Co reihnaz, daphwnq daihbungz, cawx cehva、vafeiz、nungzyoz, varum gihdi geizgonq douzhaeuj hung, aeu yungh bit cienz haidoengh hung ndeu. Couhcinj daihgya dawz cienzcwkrom okdaeuj caez bae, cienz ciuqyiengh lij mbouj gaeuq.

Faen ngaenz ndeu nanzdauj boux yinghyungz. Gij vwndiz cienz neix lumj buenz raemxnae nei, bued youq ndaw loqsiengj cauhnieb ndat lumj feiz roek boux bouxcoz.

Miz gunnanz ra cwngfuj! Yangz Gijliengz gaem faenh giva cauhnieb, bae ra daengz Lungzswng Gak Cuz Swciyen Majdiz Yangh dangjveij cwngcuj.

“Gij sawj gou siengj mbouj daengz de dwg, ndaw yangh dangjveij cwngfuj doiq aen giva cauhnieb neix cibfaen yawjnaek, mboujdan bang dou lienzhaeh daengz 10 lai fanh maenz saenq- yunghse daigvanj, vanzlij daezgungh gij daihbungz ndaem varum haeuj dou, daengzdaej gaijgez le aen nanzdaez dou.”Gangj daengz seiz codaeuz cauhnieb, ndaej daengz cwngfuj gij bangfuz haenx, Yangz Gijliengz gamjdoengh gig lai.

Cienz miz lo, fanh saeh cungj bwh ndei. Aen hanghmoeg cauhnieb Mbanjmyauz Canghgyahdangz ndaem vagut Feihcouh haidoengh lo. Dangnienz 4 nyied, daih’it aen daihbungz ndaem varum youq henz dah Canghgyahhoz gyaeundei neix hwnq hwnjdaeuj, go vagut Feihcouh daih’it ndaem roengzbae lo. Daengz le 10 nyied, song hamq Canghgyahhoz gaenq hwnq le 45 aen daihbungz ndaem varum, aen soqliengh gij va ndaem roengzbae haenx dabdaengz 5 fanh lai go.

Vagut daihsiet、dohli、gizbaij、suijfwnj、saenz- gyaez, binjcungj gig lai, hoengzhoengz heuheu, daengx aen Mbanjmyauz Canghgyahdangz deng vamoq diemj rongh lo.

Va hai lo, mbanj lengj lo, gai okbae cix baenz vwndiz lo. Roek boux hauxseng naengh mbouj ndaej lo, va hai mbouj caj vunz. Gyoengqde daiq huqyiengh vamoq buet daengz yienhsingz Lungz- swng、Gveilinz、Namzningz daengj dieg, daihgya biek loh bae ra siuloh, vih vamoq gyaeundei ra bouxcawj.

Goengfou mbouj hei boux mizsim. Yinz Gyahliengz buet doh Namzningz gij hawciengz varum hung iq haenx, cungjsuenq bungz daengz boux canghyouzyaz gai varum ndeu, doiqfueng yawj hwnj le gij binjciz ndei vamoq Mbanjmyauz Cangh- gyahdangz, engq dwg deng gij goj cauhnieb 6 boux hauxseng mbanjbya dajdoengh, dapwngq bang- coengh gyoengqde dajdoeng gij roenloh siugai, gai haeuj hawciengz varum Namzningz.

Duenh seizgan haenx, Yangz Gijliengz caeuq gyoengq doengzdoih moix ngoenz haetromh couh mbaet va, ginggvaq limqva dauqmoz caeuq genjdanh baucang le, hai ci rag daengz camh yinhhek giceh Lungzswng yienhsingz, caiq dak banci youz Lungzswng hai bae Namzningz haenx yinh gvaqbae. Yienghneix, gij vamoq daj byalaeg Gveibwz neix guh daengz dwk haeuj aen hawciengz soujfuj bae lo.

“Mwh ceiq lai, dou dan ndeu couh gai le 6000 ci okbae, mwhhaenx roxnyinh moix duj va cungj coh dou riunyumj.” Yinz Gyahliengz gangj.

“Daihgya hwnq caeux ninz hwnz, mizseiz baeg dwk mbouj siengj doengh, gij dabsaed haenx, ndaw sim gaxgonq dwg mbouj miz gvaq di, aenvih dou youq mbanjranz cauhnieb baenzgoeng lo.”

Hozcozse varum co le ndaw mbanj 12 hoh hohgungz 15 moux reihnaz, laebbaenz le 45 aen daihbungz ndaem varum. Moix aen daihbungz bi ndeu ndaem baenz 4 fanh go vamoq, ndaej canh 1.5 fanh maenz. Doengh ranz gungzhoj ndaw mbanj doenggvaq co diegdeih okbae, moix moux reihnaz ndaej 960 maenz cingh souhaeuj. Linghvaih, ranz gungzhoj youq hozcozse varum bang guh hong, lij ndaej lingx cienzhong. Doengh ranz gungzhoj youq bakdou ranz couh ndaej canh cienz, swnghhoz cugciemh ndei hwnjdaeuj lo.

Gij hojsik dwg, aen canjnieb ndaem varum neix lienzdaemh song bi bungq deng fwn hung raemx dumh, daihbungz deng raemxrongz dongj vaih, varum deng dumh, sonjsaet lailai, “gij saehnieb vayiengh”ndaw Mbanjmyauz Canghgyahdangz mbouj ndaej mbouj camhseiz dingz roengzdaeuj.

Hoeng ndaw mbanj miz roek boux hauxseng daihdamj bae sawq guh, gij lohnaemj doengzcaez hwngfat, cix hawj gyoengq vunzmbanj ndaw Mbanj- myauz Canghgyahdangz yawjraen le gij maqmuengh hwngfat lajmbanj. Gij engq youqgaenj de dwg, riengz gij mingzdaeuz haijva Mbanjmyauz dajcauh okdaeuj haenx, haujlai hekyouz rox le daeuj youz, mingzdaeuz“yinhva Mbanjmyauz”cugciemh cienz okbae.

(4 sat)

这些小伙伴在外打工，散落在深圳、东莞、桂林等地的工厂、工地上。杨启良想把他们召集回来，大家一起干事创业。

种花的想法得到了小伙伴的一致认同，大家一拍即合，决定辞掉手头的工作，一起回张家塘苗寨搞花卉种植。

银家良原本在一家鞋厂上班，“虽然收入还可以，可我心里一直有回家乡创业的念头，听了启良的想法，我很激动，当即就决定回村一起创业。”

说干就干！六个“80后”苗族后生相继回到张家塘苗寨，成立了花卉种植专业合作社，决定租用贫困户的土地，带动村民种植非洲菊。

然而，一个现实的问题又摆在年轻人面前——租用土地，搭建大棚，购买花种、化肥、农药，花卉基地前期投入大，需要一大笔启动资金。即便是大家拿出积蓄一起凑，资金仍不够。

一分钱难倒英雄汉。钱的问题如同一盆冰水，泼在六个年轻人火热的创业梦里。

有困难找政府！杨启良拿着创业计划，找到了龙胜各族自治县马堤乡党委政府。

“令我没想到的是，乡里对我们这个创业计划十分重视，不仅帮我们联系到10多万元信用社贷款，还给我们提供花卉种植大棚，彻底解决了我们的难题。”谈起创业之初，来自政府的帮扶，杨启良感慨万千。

资金到位，万事俱备。张家塘苗寨非洲菊花卉种植创业项目顺利启动了。当年4月，第一个花卉种植大棚在美丽的张家河边建了起来，第一株非洲菊栽了下去。到了10月，张家河两岸已经建起了45个花卉种植大棚，花卉种植数量达到5万多株。

大雪菊、多莉、菊派、水粉、爱神，品种丰富，五颜六色，整个张家塘苗寨被鲜花点亮了。

花开了， 村子靓了， 销路却成了问题。六个年轻人坐不住了，花开不等人。他们带着鲜花样品跑到龙胜县城、桂林、南宁等地，大家分头行动找销路，为美丽的鲜花寻觅主人。

功夫不负有心人。银家良跑遍南宁的大小花卉批发市场，终于遇上了一位花卉销售经纪人，对方看中了张家塘苗寨鲜花的优良品质，更是被六个山村小伙的创业故事打动，答应帮助他们打通销售渠道，进军南宁花卉市场。

那段时间，杨启良和伙伴们每天清早就起床采摘鲜花，经过花瓣套膜和简单包装后，开车拉到龙胜县城的汽车客运站，再由龙胜开往南宁的班车托运过去。这样，采自桂北深山的鲜花成功打进了首府市场。

“最多的时候， 我们一单就卖了6000枝出去， 那时候感觉每一朵花都在朝我们微笑。”银家良说。

“大家起早贪黑，有时累得不想动，心里却是从未有过的踏实，因为我们在家乡创业成功了。”

花卉合作社租用了村里12户贫困户的15亩土地，建起了45个花卉种植大棚。每个大棚年产4万枝鲜花，利润1.5万元。村里的贫困户通过土地出租， 每亩地可以得到960元的纯收入。另外，贫困户在花卉合作社帮工干活，还能拿到工钱。贫困户在家门口就能赚钱，生活逐渐好起来了。

遗憾的是，花卉种植产业连续两年遭遇暴雨洪灾，大棚被山洪冲毁，花卉被淹，损失惨重，张家塘苗寨的“花样事业”不得不按下暂停键。

但村寨里六个种花小伙的勇敢尝试，抱团发展的思路，让张家塘苗寨村民看到了乡村发展的希望。更为重要的是，随着苗寨花海的打造，不少游客慕名而来，“花韵苗寨”声名渐起。

（原载《南方文学》）