11 nyied 8 hauh, Gvangjsih goengbouh gij mingzdan ciengj aen yienh（si、gih）baujhoh dieg reihnaz 2022 nienzdoh, daengx gih 15 aen yienh(si、gih) gwnz buengj miz mingz. Ciuq 《Gij Banhfap Camhhengz Ciengj Baujhoh Dieg Reihnaz Gvangjsih》, aen yienh(si、gih) gwnz buengj miz mingz bineix ndaej ngaenz ciengj mbat dog 600 fanh maenz.

Gij mingzdan ciengj baujhoh dieg reihnaz 2022 nienzdoh dwg: Nanzningz Si Sanglinz Yen, Liujcouh Si Luzcai Yen、Liujnanz Gih, Gveilinz Si Bingzloz Yen、Gvanyangz Yen、Gunghcwngz Yauzcuz Swciyen、Lingzconh Yen, Vuzcouh Si Mungz- sanh Yen, Bwzhaij Si Hozbuj Yen, Yilinz Si Bwzliuz Si、Luzconh Yen、Yungzyen, Hocouh Si Cunghsanh Yen, Hozciz Si Vanzgyangh Mauz- nanzcuz Swciyen, Laizbinh Si Vuj- senh Yen.

Bineix nienzco, 《Gij Banhfap Camhhengz Ciengj Baujhoh Dieg Reihnaz Gvangjsih》Gvangjsih yaenq- fat haenx dinghmingz, Gvangjsih gaengawq bi gaxgonq baujhoh dieg reihnaz gaujhwz bingzgya caeuq denzcangjci gaujhwz gezgoj daengj cingzgvang, binaengz baujhoh dieg reihnaz caeuq hong doicaenh denz- cangjci cingzcik ndaej ndei, 15-25 aen yienh(si、gih) cwngfuj ndaej swcigih ciengj baujhoh dieg reihnaz, hawj moix aen yienh(si、gih) ngaenz ciengj mbat dog 600 fanh daengz 1000 fanh maenz. Ngaenz ciengj cujyau yungh guh baujhoh、hwnqguh caeuq guenjleix dieg reihnaz, baugvat cunzyawj baujhoh dieg reihnaz daengj ngoenznaengz guenjleix、hwnqguh dieg reihnaz caetliengh、vuenhmoq gaiq baiz geiqhauh denz- cangjci caeuq dieg reihnaz ciengx- lwenx、ciengj gawjbauq famhfap famhgvi ciemqyungh dieg reihnaz daengj.

(Dangz Gvangjswngh Couh Yenfangh daj 《Gvangjsih Yizbau》 aeu mbangj di daeuj hoiz)