Mboengqneix, Swcigih Minz- cunghveij caeuq Swcigih Cufangz Cwngzyangh Gensezdingh、Lajmbanj Cinhinghgiz youq gwnz giekdaej daengx gih gak si、yienh(si、gih) minzcungh gunghcoz bouhmonz dox- yaeng gak si、yienh(si、gih） cufangz cwngzyangh gensez、 lajmbanj cin- hingh daengj bouhmonz doigawj haenx, ginggvaq bingzsaemj、fuk- haed、goenggauh, gietdingh ancoh Nanzningz Si Hwngzcouh Si Bingz- langj Cin Mauzsanh Cunh daengj 44 aen mbanj baenz “aen mbanj miz daegsaek minzcuz Gvangjsih”. Daengz seizneix, Gvangjsih gungh miz sam buek 137 aen “aen mbanj miz daegsaek saujsu minzcuz Cungguek”、seiq buek gungh 200 aen “aen mbanj miz daegsaek minzcuz Gvangjsih”.

Ciuq mizgven iugouz, Swcigih Minzcunghveij caeuq Swcigih Cu- fangz Cwngzyangh Gensezdingh、Lajmbanj Cinhinghgiz, lienzhab hainduj gij hong ancoh bauq buek daihseiq aen mbanj miz daegsaek minzcuz Gvangjsih. Aen hong neix muzdiz hawj fatok gij ndei aen mbanj miz daegsaek minzcuz youq mwh couqmaenh gij eiqsik caezcaemh Cunghvaz Minzcuz, baujhoh cienz- swnj gij vwnzva cienzdoengj maenh- ndei minzcuz, coihawj gak minzcuz doxcunz doxgyau doxyungz, haeujlaeg vatcimh aen mbanj dij ndaej bauj- hoh, caenh’itbouh daezswng gij suij- bingz caeuq caetliengh hwnqguh aen mbanj miz daegsaek minzcuz gih raeuz, coenghrengz saenqhwng laj- mbanj.

Ciuq cam rox, doengh gij aen mbanj neix yaek laebdaeb yawjnaek couqmaenh gij eiqsik caezcaemh Cunghvaz Minzcuz, coihawj gak minzcuz doxcunz doxgyau doxyungz, yungh gij ndei aen mbanj miz daegsaek cujciz haiguh hozdung ciuyinx canghseng’eiq daeuj guh seng’eiq, guh gij canjnieb nungzyez vwnzva lijyouz daengj miz daegsaek haenx, roengzrengz dajcauh aen mbanj miz daegsaek minzcuz baenz dieggiek saedguh couqmaenh gij eiqsik caezcaemh Cunghvaz Minzcuz、aen bingzdaiz coihawj gak minzcuz gvangqlangh doxcunz doxgyau dox- yungz、gij yiengh coihawj caezcaemh baenzmiz、aen bakcueng saenqhwng lajmbanj minzcuz.

(Liu Munghih)