（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz goujbak caetcib roek Danghnaeuz bouxgapdoih doiq mboengq gapdoih mbouj miz iekdingh roxnaeuz iekdingh mbouj cingcuj，ciuq gij gvidingh diuz hajbak itcib aen fap neix lij doekdingh mbouj roengz，yawj baenz yiengh gapdoih mbouj dinghgeiz.

Mboengq gapdoih rim le，bouxgapdoih laeb- daeb hengz hong gapdoih， bouxgapdoih wnq mbouj daezok yigen mbouj doengz ne，gij hab- doengz gapdoih baezgonq laebdaeb mizyauq，hoeng mboengq gapdoih bienqbaenz mbouj dinghgeiz.

Bouxgapdoih seizlawz gejcawz aen habdoengz gapdoih mbouj dinghgeiz cungj ndaej，hoeng wngdang youq aen geizhanh hableix gaxgonq naeuz hawj bouxgapdoih wnq rox.

Diuz goujbak caetcib caet Bouxgapdoih dai le、saet bae gij naengzlig hengzguh minzsaeh roxnaeuz satdingz，habdoengz gapdoih satdingz；hoeng，cawz ok habdoengz gapdoih lingh miz iekdingh roxnaeuz ciuq gij singqcaet hongsaeh gapdoih mbouj hab satdingz.

Diuz goujbak caetcib bet Habdoengz gapdoih satdingz le，danghnaeuz caizcanj gapdoih ok gij cienz vih satdingz deng yungh caeuq boiz gij dawzcaiq gapdoih liux le lij miz yawz ne，ciuq gij gvidingh diuz goujbak caetcib ngeih aen fap neix bae faen cienz.

Faenbien Daihsam Habdoengz Bwhgonq

Cieng Ngeihcib Bet Gag Bang Guenjleix

Diuz goujbak caetcib gouj Bouxguenjleix mbouj miz faenh fapdingh roxnaeuz faenh iekdingh，vih hawj leih’ik bouxwnq mbouj deng sonjsaet cix bae guenjleix hongsaeh bouxwnq ne，ndaej cingjgouz bouxsouh’ik boiz gij cienz vih guenjleix hongsaeh deng yungh；bouxguenjleix vih guenjleix hongsaeh deng sonjsaet ne，ndaej cingjgouz bouxsouh’ik habdangq boizbouj.

Danghnaeuz gij hongsaeh bang guenjleix mbouj hab gij eiqsei caensaed bouxsouh’ik，bouxguenjleix mbouj ndaej miz gij gienzleih gvanj gonq gvidingh; hoeng, cawz ok yiengh eiqsei caensaed bouxsouh’ik boihfanj gijliz roxnaeuz boihfanj gij cizsi caeuq fungsug ndei ndawbiengz.

Diuz goujbak betcib Danghnaeuz boux- guenjleix guenjleix gij hongsaeh de mbouj gvi yiengh gvidingh diuz gonq，hoeng bouxsouh’ik baengh guenjleix ndaej ndeileih ne，bouxsouh’ik wngdang youq ndaw ndeileih de ndaejdaengz haenx bang bouxguenjleix rapdawz gij yivu gvanj daih’it diuz gonq gvidingh.

Diuz goujbak betcib it Bouxguenjleix bang guenjleix hongsaeh bouxwnq， wngdang yungh gij fuengfap ndeileih bouxsouh’ik. Danghnaeuz daengxduenh guenjleix doiq bouxsouh’ik engq mbouj ndei，mbouj miz gij lijyouz cingqdangq mbouj ndaej daengxduenh.

Diuz goujbak betcib ngeih Mwh boux- guenjleix bang guenjleix hongsaeh bouxwnq，ndaej naeuz daengz bouxsouh’ik ne，wngdang gibseiz naeuz hawj bouxsouh’ik. Gij hongsaeh bang guenj- leix mbouj gaenj banh ne，wngdang caj bouxsouh’ik guhsing.

Diuz goujbak betcib sam Guenjleix sat le，bouxguenjleix wngdang bauq gij yienghsaeh bang guenjleix hawj bouxsouh’ik. Gij caizcanj boux- guenjleix bang guenjleix aeundaej de，wngdang gibseiz cienj gyau hawj bouxsouh’ik.

Diuz goujbak betcib seiq Gij hongsaeh bouxguenjleix bang guenjleix，guhbaenz ndaej bouxsouh’ik gyaepnyinh ne，daj mwh bang guenjleix hongsaeh hwnj，habyungh gij gvidingh mizgven habdoengz dakdoz，hoeng cawz ok bouxguenjleix lingh miz yiengh naeuz.

Cieng Ngeihcib Gouj Mbouj Habfap Ndaej Leih

Diuz goujbak betcib haj Bouxndaejleih mbouj miz faplwd baengzgawq aeundaej gij leih’ik mbouj cingqdangq，boux deng sonjsaet ndaej cingj- gouz bouxndaejleih boizdauq gij leih’ik aeundaej，hoeng cawz ok miz saek yiengh lajneix：

（It）Hawj gij cienz dwg hengz faenh daudwz；

（Ngeih）Boiz caez gij dawzcaiq caengz rim mboengq；

（Sam）Mingzrox mbouj miz faenh guh boiz vanzlij boiz caez dawzcaiq.

Diuz goujbak betcib roek Gij leih’ik boux- ndaejleih mbouj rox caemhcaiq mbouj wngdang rox aeundaej dwg mbouj miz gij baengzgawq faplwd，gij leih’ik aeundaej gaenq mbouj miz le，mbouj miz faenh boizdauq yiengh leih’ik neix.

Diuz goujbak betcib caet Gij leih’ik boux- ndaejleih rox roxnaeuz wngdang rox aeundaej dwg mbouj miz gij baengzgawq faplwd ne，boux deng sonjsaet ndaej cingjgouz bouxndaejleih boizdauq gij leih’ik aeundaej caiqlij ciuqfap dienzboiz sonjsaet.

Diuz goujbak betcib bet Danghnaeuz bouxndaejleih gaenq hawj hoengq cienjnyiengh gij leih’ik aeundaej haenx hawj bouxdaihsam，boux deng sonjsaet ndaej cingjgouz bouxdaihsam youq ndaw leih’ik aeundaej neix boizdauq.

Bien Daihseiq Gienzyinzgwz

Cieng Daih’it Gvidingh Baeznaengz

Diuz goujbak betcib gouj Bien neix diuzcingj gij gvanhaeh minzsaeh aenvih yiengjmiz caeuq baujhoh gienzyinzgwz cix mizok haenx.

Diuz goujbak goujcib Gienzyinzgwz dwg aen ndangcawj minzsaeh ndaej miz gij gienzleih lumj- baenz gienzsengmingh、gienzndangdaej、gienz- ndangcangq、gienzsingqcoh、gienzmingzcoh、gienz- yienghsiengq、gienzmingzdaeuz、gienzmiznaj、gienz- yaemsei daengj.

Cawz ok gij gienzyinzgwz gvanj gonq gaenq gvidingh le，swyenzyinz lij miz doengh gij gienzik yinzgwz wnq ok ndaw ndangvunz swyouz、yinzgwz cunhyenz.

Diuz gouj bak goujcib it Gij gienzyinzgwz ndangcawj minzsaeh ndaej faplwd baujhoh，mboujlwnh aen cujciz roxnaeuz boux vunz lawz cungj mbouj ndaej ciemqhaih.

Diuz goujbak goujcib ngeih Gienzyinzgwz mbouj ndaej vutbae、cienjnyiengh、ciepswnj.

Diuz goujbak goujcib sam Ndangcawj minz- saeh ndaej hawj gij singqcoh、mingzcoh、yiengh- siengq bonjfaenh hawj bouxwnq yungh，hoeng cawz ok ciuq gij gvidingh faplwd roxnaeuz gaengawq gij singqcaet de mbouj ndaej cinjhawj.

Diuz goujbak goujcib seiq Gij singqcoh、siengqvunz、mingzdaeuz、aeunaj、yaemsei、seihaiz bouxdai deng ciemqhaih ne，gij gvan（yah）、lwg、bohmeh de miz gienz ciuqfap cingjgouz bouxhengz rapdawz cwzyin minzsaeh；bouxdai mbouj miz gvan（yah）、lwg caemhcaiq bohmeh gaenq dai ne，boux caencik beixnuengx wnq de miz gienz ciuqfap cingjgouz bouxhengz rapdawz cwzyin minzsaeh.

Diuz goujbak goujcib haj Danghnaeuz gienzyinzgwz deng ciemqhaih ne，bouxdenghaih miz gienz ciuq gij gvidingh aen fap neix caeuq aen faplwd wnq cingjgouz bouxhengz rapdawz cwzyin minzsaeh. Satdingz ciemqhaih、baizcawz gazngaih、siucawz yungyiemj、siucawz yingjyangj、nyinhloek boizlaex、hoizfuk mingzdaeuz hawj bouxdenghaih，mbouj habyungh gij gvidingh mboengq mizyauq dajgauq.

第九百七十六条  合伙人对合伙期限没有约定或者约定不明确，依据本法第五百一十条的规定仍不能确定的，视为不定期合伙。

合伙期限届满，合伙人继续执行合伙事务，其他合伙人没有提出异议的，原合伙合同继续有效，但是合伙期限为不定期。

合伙人可以随时解除不定期合伙合同，但是应当在合理期限之前通知其他合伙人。

第九百七十七条  合伙人死亡、丧失民事行为能力或者终止的，合伙合同终止；但是，合伙合同另有约定或者根据合伙事务的性质不宜终止的除外。

第九百七十八条  合伙合同终止后，合伙财产在支付因终止而产生的费用以及清偿合伙债务后有剩余的，依据本法第九百七十二条的规定进行分配。

第三分编  准合同

第二十八章  无因管理

第九百七十九条  管理人没有法定的或者约定的义务，为避免他人利益受损失而管理他人事务的，可以请求受益人偿还因管理事务而支出的必要费用；管理人因管理事务受到损失的，可以请求受益人给予适当补偿。

管理事务不符合受益人真实意思的，管理人不享有前款规定的权利；但是，受益人的真实意思违反法律或者违背公序良俗的除外。

第九百八十条  管理人管理事务不属于前条规定的情形，但是受益人享有管理利益的，受益人应当在其获得的利益范围内向管理人承担前条第一款规定的义务。

第九百八十一条  管理人管理他人事务，应当采取有利于受益人的方法。中断管理对受益人不利的，无正当理由不得中断。

第九百八十二条  管理人管理他人事务，能够通知受益人的，应当及时通知受益人。管理的事务不需要紧急处理的，应当等待受益人的指示。

第九百八十三条  管理结束后，管理人应当向受益人报告管理事务的情况。管理人管理事务取得的财产，应当及时转交给受益人。

第九百八十四条  管理人管理事务经受益人事后追认的，从管理事务开始时起，适用委托合同的有关规定，但是管理人另有意思表示的除外。

第二十九章  不当得利

第九百八十五条  得利人没有法律根据取得不当利益的，受损失的人可以请求得利人返还取得的利益，但是有下列情形之一的除外：

（一）为履行道德义务进行的给付；

（二）债务到期之前的清偿；

（三）明知无给付义务而进行的债务清偿。

第九百八十六条  得利人不知道且不应当知道取得的利益没有法律根据，取得的利益已经不存在的，不承担返还该利益的义务。

第九百八十七条  得利人知道或者应当知道取得的利益没有法律根据的，受损失的人可以请求得利人返还其取得的利益并依法赔偿损失。

第九百八十八条  得利人已经将取得的利益无偿转让给第三人的，受损失的人可以请求第三人在相应范围内承担返还义务。

第四编  人格权

第一章  一般规定

第九百八十九条  本编调整因人格权的享有和保护产生的民事关系。

第九百九十条  人格权是民事主体享有的生命权、身体权、健康权、姓名权、名称权、肖像权、名誉权、荣誉权、隐私权等权利。

除前款规定的人格权外，自然人享有基于人身自由、人格尊严产生的其他人格权益。

第九百九十一条  民事主体的人格权受法律保护，任何组织或者个人不得侵害。

第九百九十二条  人格权不得放弃、转让或者继承。

第九百九十三条  民事主体可以将自己的姓名、名称、肖像等许可他人使用，但是依照法律规定或者根据其性质不得许可的除外。

第九百九十四条  死者的姓名、肖像、名誉、荣誉、隐私、遗体等受到侵害的，其配偶、子女、父母有权依法请求行为人承担民事责任；死者没有配偶、子女且父母已经死亡的，其他近亲属有权依法请求行为人承担民事责任。

第九百九十五条  人格权受到侵害的，受害人有权依照本法和其他法律的规定请求行为人承担民事责任。受害人的停止侵害、排除妨碍、消除危险、消除影响、恢复名誉、赔礼道歉请求权，不适用诉讼时效的规定。（61 caengz sat）

（壮文稿由中国民族语文翻译局提供）