Gyawj geij bi neix, Nazboh Yen Bingzmung Cin Mbanjnencingj aeu couqmaenh gij eiqsik caezcaemh Cunghvaz Minzcuz guh sienqmeh, baengh gij hozdung cauhlaeb minz- cuz doxgiet baenaj bae doidoengh gak minzcuz doxgyau dox baedauq doxyungz, coicaenh henzguek minz- cuz doxgiet caeuq aenbiengz onj- dingh.

Mbanjnencingj dawz minzcuz doxgiet baenaj yungzhaeuj hozdung cienzdoengj bae. Mwh gvaq ciet, gyoengqde guh hozdung“aen ciet raeuz”, ndawde miz gij vwnzva cienzdoengj Cunghvaz Minzcuz. Vunzlai gag bien gag eu fwen Bouxcuengh, haenh aendangj hwng- fat bak bi, danq minzcuz doxgiet baenaj, hawj vunzlai gak minzcuz engq nyinhdoengz gij vwnzva raeuz.

Mbanj de dawz minzcuz doxgiet baenaj yungzhaeuj hong lwnhgangj bae. Lumjbaenz lwnhgangj gij cwng- cwz lijlun minzcuz aendangj lailai, youq dangzgoq aendangj son couq- maenh gij eiqsik caezcaemh Cungh- vaz Minzcuz, ciu aen doih gagnyienh haeuj mbanj haeuj ranz lwnh minz- cuz doxgiet, gangj gojgaeq saek- hoengz, gyonjcomz rengzcingq minz- cuz doxgiet.

Mbanj de dawz minzcuz doxgiet baenaj yungzhaeuj aenbiengz hwngfat ginghci bae. Lumjbaenz youq laj- mbanj guh roen suijniz、an lohdaeng, caep aen gvih caeng raemx daengj；haenqrengz hwngfat canjnieb miz daegsaek henzguek, dazyinx vunzlai gak minzcuz yawj dieg dajndaem gobanjlanzgwnh、duhmeuz daengj ywdoj；yinx giyez daeuj neix hwnq dieggiek dajciengx vaiznoh, daiq- doengh vunzlai henzgyawj ciengx vaiznoh, bang vunzlai demsou baenz- miz.

（Vuj Cunghgoz /伍忠国）