第一届全国学生（青年）运动会隆重开幕

谌贻琴出席并宣布开幕

刘宁怀进鹏致辞 高志丹阿东孙大伟孟扬出席 蓝天立主持

11 nyied 5 hauh, Gaiq Daih’it Daengx Guek Hagseng(Bouxcoz) Yindungvei youq Gvangjsih Bouxcuengh Swcigih Nanzningz Si haimuq. Gozvu veijyenz Cinz Yizginz camgya haimuqsik caemhcaiq senhbu haimuq.

5 hauh banhaemh, Gvangjsih Dijyuz Cunghsinh dijyuzcangz daeng migyanyan. 20 diemj, yozcinghvei haimuqsik hainduj, faen dijyuz yizsiz、comzyienj vwnzdij song bouhfaenh. Gwnz haimuqsik, Gvangj- sih Bouxcuengh Swcigih Dangjveij suhgi Liuz Ningz daibyauj mbiengj ciepbanh gangjvah, Gyauyuzbu bucangj Vaiz Cinbungz daibyauj Gyauyuzbu、Guek- gya Dijyuz Cungjgiz、Gungcinghdonz Cunghyangh sam aen danhvei cawjbanh gangjvah. Guekgya Dijyuz Cungjgiz gizcangj Gauh Cidanh、Gung- cinghdonz Cunghyangh Suhgicu suhgi daih’it Ah Dungh、Gvangjsih Bouxcuengh Swcigih Cwnghez cujsiz Sunh Daveij、Gozvuyen fumisuhcangj Mung Yangz camgya haimuqsik. Gvangjsih Bouxcuengh Swcigih Cwngfuj cujsiz Lanz Denhliz cujciz haimuqsik.

Liuz Ningz mwh gangjvah naeuz, aen Dangj- cunghyangh aeu Siz Ginbingz dungzci guh vaedsim haenx gyau gaiq nduj yozcinghvei hawj Gvangjsih ciepbanh, neix dwg gvansim caeuq saenq ndaej Gvangjsih lai. Gvangjsih giendingh yungjhu “song aen dinghlaeb”, dingjmaenh guh daengz “song aen henhoh”, nyinhcaen gvancez doeksaed gij lwnhgangj youqgaenj mizgven gyavaiq hwnqguh aen guek ak gyauyuz、aen guek ak dijyuz Siz Ginbingz cungj- suhgi, doeksaed gij anbaiz baijbouh mizgven doinyoengx dijyuz gyauyuz yungzhab Dangjcungh- yangh、Gozvuyen, cietsaed rapdawz mbaqrap cwngci naek banh ndei gaiq nduj yozcinghvei, doeksaed gij leixniemh banh doxdax “saekloeg、caezyiengj、haicuengq、seuqcengh” caeuq gij iugouz banh doxdax “genjyoz、ancienz、ndeiyawj”, doedok gij rengzhoengh、gij seizdaih、gij majhung, daengx gih gwnz laj caez dungyenz、 ndawbiengz gak gyaiq caez caeuqfaenh, caez daeuj doxdax、caez coengh banh hoihhoengh dijyuz, haenqrengz banh ciengz hoihhoengh hauxseng miz daegsaek suijbingz sang ndeu hawj lwgminz daengx guek. Youq gwnz roen moq miz najrongh caeuq loqsiengj, hawj raeuz engqgya gaenjmaed humx youq henz aen Dangj- cunghyangh aeu Siz Ginbingz dungzci guh vaedsim haenx, doxgiet baenaj、haenqrengz buekguh、ceng- cauh cingzcik ndei, caezcaemh vih hwnqguh aen guek ak gyauyuz、aen guek ak dijyuz caeuq Cunghvaz Minzcuz fukhwng hungmbwk ok goeng- rengz.

Vaiz Cinbungz mwh gangjvah naeuz, ginggvaq saeqsim caepcawq, gaiq nduj yozcinghvei haimuq lo. Aen cujveijvei dingjmaenh aeu aen swhsiengj sevei cujyi miz gij daegsaek Cungguek seizdaih moq Siz Ginbingz guh dazyinx, aeu “hauxseng、doxgiet、cingzngeih” guh giekdiuh, yienh’ok gij daegdiemj seizdaih、gij daegcaet yozcingh、gij daegsaek Gvangjsih, roengzrengz dajcauh doxdax baenz aen dieg gyaep loq bouxcoz caeuq hagseng haenqrengz buekguh、hamjgvaq bonjfaenh, dajcauh baenz aen hoihhoengh hauxseng gyauyuz caeuq dijyuz yungzhab、doxdax caeuq cingzngeih caez byaij, dajcauh baenz aen bingzdaiz youqgaenj coihawj bouxcoz nyezrauh cangqheiq majhung、cienzmienh hwngfat. Muengh caezgya youq gwnz ciengz doxdax aeu ndaej cingzcik ndei, vih hwnqguh aen guek ak、minzcuz fukhwng ok rengz engq hung.

20 diemj 45 faen, gozvu veijyenz Cinz Yizginz senhbu： Cunghvaz Yinzminz Gunghozgoz Gaiq Daih’it Hagseng(Bouxcoz) Yindungvei haimuq! Daengx ciengz dopfwngz huhu.

Yindungyenz Yauz Vazli、gyaulenyenz Liuz Liyaz、caizbanyenz Gyangh Bingz faenbied daibyauj yindungyenz、gyaulenyenz、caizbanyenz senhsi.

Riengzlaeng, hainduj comzyienj vwnzdij. Comzyienj miz 《Gij Byadah Hauxseng》《Gij Rengzciep Hauxseng》《Gij Buet Vaiq Hauxseng》 sam aen biencieng caeuq satbyai 《Hauxseng Fanhbi》, aeu yindung hanghmoeg、dijyuz gyauyuz yenzsu、vwnzyi yenzsu caeuq byadah maenghndei Gvangjsih、minzcuz lai yiengh、vwnzva saekhoengz、haicuengq hwngfat daengj yenzsu dox giethab ndeindi.

21 diemj 12 faen, aen yizsiz diemjdawz cujhojgi hainduj. Youq ndaw cib geij ngoenz gvaqbae neix, gij bogfeiz yozcinghvei aeu daj Hozbuj dieg hainduj ciuhgeq “diuz roen seicouz gwnz haij” neix, gonqlaeng youq daengx gih 14 aen si laeb gih cienzndenq, doeklaeng daengz Gvangjsih Dijyuz Cunghsinh cujdijyuzcangz.

Daengx Guek Hagseng（Bouxcoz） Yindungvei dwg Daengx Guek Bouxcoz Yindungvei caeuq Daengx Guek Hagseng Yindungvei gyonj daeuj baenz, dwg gij banhfap youqgaenj guh laeg dijyuz gyauyuz yungzhab. Gaiq yozcinghvei neix gungh miz 39 aen hangh hung、805 aen hangh iq, boux yindungyenz bauqmingz camgya doxdax miz ca mbouj lai 1.8 fanh boux. Ndawde Gvangjsih ciepbanh 35 aen hangh hung、 768 aen hangh iq.

(Cinz Yizcwz Cinz Gyangz daj 《Gvangjsih Yizbau》 genj aeu mbangj daeuj fanhoiz)