Hocouh Si Caeuq Gvangjcouh Si Doxcaez Haeujlaeg Guhsaed

Doidoengh Aen Suenqveh Gak Cuz Nyezrauh Dox Baedauq

Mboengqneix, Hocouh Si Gung- cinghdonz cujciz bouxcoz giyezgyah、bouxcoz ak lajmbanj daengj gyawj 20 vunz bae Gvangjcouh Si guh aen suenqveh nyezrauh dox baedauq. Neix doidoengh Gvangjsih Gvangjdungh youq seizdaih moq doxgap haeujlaeg guhsaed hong gak minzcuz nyezrauh dox baedauq.

Gyoengqde bae Aen Gvanj Geiq- niemh Donz It Daih daengj dieg ngonzyawj hagsib, caeuq Gung- cinghdonz Gvangjcouh Si Veij gyau- louz baenzlawz guh ndei bouxcoz gagnyienh fugsaeh、gungcinghdonz bang cauhguh minzcuz doxgiet baenaj caeuq saenqhwng lajmbanj、cauhlaeb aen hauh vwnzmingz bouxcoz、hwnq- guh aen singz bouxcoz ndei hwngfat daengj.

Hocouh yaek nyinhcaen hag gij gingniemh ndei caeuq guhfap cauh- moq mwh Gvangjcouh guh hong gung- cinghdonz youqgaenj caeuq aen suenqveh nyezrauh dox baedauq haenx, haenqrengz doidoengh aen suenqveh nyezrauh daengx si guh ok hwngfat moq, gangj ndei gojgaeq minzcuz doxgiet baenaj Hocouh Si.

（Cau Ginhbinh/赵金宾 Bwz Ningz/白 宁 Cwngh Yenzyenz/曾园园）