10 nyied 28 hauh, dou cam Swcigih Caizcwngdingh cix rox, bi 2023 swcigih caizcwng roengz 18.23 ik maenz cienzngaenz Cunghyangh roengzcienz guh gihbwnj gensez, cienmonz dawz daeuj haeujcoengh gih raeuz hwnqguh gij sezsih giekdaej boiqdauq aen gunghcwngz bauj youq onj, coengh gaijgez gij vwndiz youq ranz hojnanz, gaijndei gij vanzging seiqhenz caeuq diuzgienh fugsaeh ranzyouq, hawj engqlai ginzcung“siengj youq onj”cix ndaej youq onj. Hangh cienzngaenz neix baudaengz: it dwg roengz 9.42 ik maenz, haeujcoengh guh 76 aen hanghmoeg hwnqguh gij sezsih giekdaej boiqdauq doengh gunghcwngz gaijguh siujgih gaeuqgeq hawsingz. Ngeih dwg roengz 1.29 ik maenz, haeujcoengh 19 aen hanghmoeg hwnqguh gij sezsih giekdaej boiqdauq doengh gunghcwngz gaijguh ranzdiengz haw- singz caeuq ranzco goenggya. Sam dwg roengz 7.52 ik maenz, haeujcoengh 37 aen hanghmoeg hwnqguh gij sezsih giekdaej boiqdauq doengh gungh- cwngz ranzco baujcang.

（Couh Hungzmeiz Vangz Haijnanz）

（youq《Gvangjsih Yizbau》genj aeu mbangj daeuj hoiz）