（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz goujbak hajcib caet Hingzgijyinz ciuq iekdingh cawx haeuj gij huq dakdoz，bouxdakdoz wngdang gibseiz lingxaeu. Hingzgijyinz coinaeuz le，bouxdakdoz mbouj miz lijyouz cingqdangq doi mbouj lingxaeu ne，hingzgijyinz ndaej ciuqfap dingjdawz gij huq dakdoz.

Huq dakdoz gai mbouj ok roxnaeuz bouxdakdoz heuh mbouj gai，hingzgijyinz coinaeuz le，boux- dakdoz mbouj aeu dauq roxnaeuz mbouj cawqceq gaiq huq neix ne，hingzgijyinz ndaej ciuqfap dingjdawz gij huq dakdoz.

Diuz goujbak hajcib bet Hingzgijyinz caeuq bouxdaihsam dingh habdoengz ne，hingzgijyinz doiq aen habdoengz neix cigsoh ndaej miz gienzleih、rapdawz yivu.

Danghnaeuz bouxdaihsam mbouj hengz yivu cix hawj bouxdakdoz deng sonjhaih，hingzgijyinz wngdang dienzboiz，hoeng cawz ok hingzgijyinz caeuq bouxdakdoz lingh miz iekdingh.

Diuz goujbak hajcib gouj Hingzgijyinz guhbaenz caez roxnaeuz banhbaenz mbangj yiengh- saeh dakdoz ne，bouxdakdoz wngdang ciuq yiengh- saeh banh baenz lainoix hai cienz hawj de. Bouxdakdoz mauhseiz mbouj hawj cienzhong ne，hingzgijyinz miz gienz louzce gij huq dakdoz，hoeng cawz ok bouxnangqsaeh lingh miz iekdingh.

Diuz goujbak roekcib Danghnaeuz cieng neix mbouj miz gvidingh，doiqciuq bae yungh gij gvidingh mizgven habdoengz dakdoz.

Cieng Ngeihcib Roek

Habdoengz Youzyaz

Diuz goujbak roekcib it Habdoengz youzyaz dwg gij habdoengz youz bouxyouzyaz bauq hawj bouxdakdoz naeuz miz mboengq ndei hab dingh habdoengz roxnaeuz guh gaq giuz yinx song mbiengj bae dingh habdoengz，bouxdakdoz hai cienzhong hawj bouxyouzyaz.

Diuz goujbak roekcib ngeih Bouxyouzyaz wngdang lauxsaed bauq gij saehhangh mizgven dingh habdoengz hawj bouxdakdoz.

Danghnaeuz bouxyouzyaz daegdaengq muenz gij yienghcaen youqgaenj roxnaeuz gangj hawj gij yienghsiengq gyaj caeuq dingh habdoengz mizgven，haih daengz leih’ik bouxdakdoz，mbouj ndaej heuh aeu cienzhong caemhcaiq wngdang boiz cienz.

Diuz goujbak roekcib sam Bouxyouzyaz coibaenz dinghlaeb habdoengz ne，bouxdakdoz wng- dang ciuq iekdingh hawj cienzhong. Doiq aeu cienzhong hawj bouxyouzyaz mbouj miz iekdingh roxnaeuz iekdingh mbouj cingcuj，ciuq gij gvidingh diuz hajbak itcib aen fap neix lij dingh mbouj roengz ne，ciuq gij hongsaeh bouxyouzyaz bae hableix doekdingh. Aenvih bouxyouzyaz guh gaq giuz yinx cix dingh baenz habdoengz ne，youz bouxnangqsaeh faenh habdoengz neix bingz dan gij cienzhong hawj bouxyouzyaz.

Bouxyouzyaz coibaenz habdoengz ne，gij cienz- hong guh youzyaz yungh bae，youz bouxyouzyaz ok.

Diuz goujbak roekcib seiq Bouxyouzyaz coi dingh mbouj baenz habdoengz ne，mbouj ndaej heuh aeu cienz youzyaz；hoeng ndaej ciuq iekdingh cingjgouz bouxdakdoz ok gij cienz guh youzyaz deng yungh.

Diuz goujbak roekcib haj Mwh bouxdakdoz ciepsouh yiengh fugsaeh bouxyouzyaz le，doenggvaq bouxyouzyaz hawj siusik roxnaeuz dap gaq giuz，veq gvaq bouxyouzyaz cigsoh bae dingh habdoengz ne，wngdang aeu cienzhong hawj bouxyouzyaz.

Diuz goujbak roekcib roek Danghnaeuz cieng neix mbouj miz gvidingh，ciuqyawj habyungh gij gvidingh mizgven habdoengz dakdoz.

Cieng Ngeihcib Caet

Habdoengz Gapdoih

Diuz goujbak roekcib caet Habdoengz gapdoih dwg song boux doxhwnj bouxgapdoih vih guhbaenz saehnieb doxcaemh，dinghlaeb gij hezyi leih’ik caez miz、caez rap fungyiemj.

Diuz goujbak roekcib bet Bouxgapdoih wngdang ciuq baenzlawz okbonj、ok geijlai bonj caeuq hanh seizlawz gyau gaenq iekdingh ndei de，bae hengz faenh okbonj.

Diuz goujbak roekcib gouj Gij cienz okbonj bouxgapdoih、gij souik doenggvaq hongsaeh gapdoih ciuqfap aeundaej caeuq gij caizcanj wnq，gvi caiz- canj gapdoih.

Mwh caengz satdingz aen habdoengz gapdoih，bouxgapdoih mbouj ndaej cingjgouz faen gij caizcanj gapdoih.

Diuz goujbak caetcib Bouxgapdoih bae dingh gij yienghsaeh gapdoih de ne，cawz ok habdoengz gapdoih lingh miz iekdingh，wngdang ndaej bouxgapdoih doengzeiq liux.

Hongsaeh gapdoih youz daengxcungq boux- gapdoih caez caephengz. Ciuq gij iekdingh hab- doengz gapdoih roxnaeuz gij gietdingh daengxcungq bouxgapdoih，ndaej dak boux ndeu roxnaeuz geij boux bouxgapdoih caephengz hongsaeh gapdoih；bouxgapdoih wnq mbouj caiq caephengz hongsaeh gapdoih，hoeng miz gienz gamduk gij yienghsaeh caephengz.

Bouxgapdoih faenbied caephengz hongsaeh gapdoih ne，bouxgapdoih caephengz hongsaeh ndaej doiq gij hongsaeh bouxgapdoih wnq caephengz de daezok yigen mbouj doengz；daezok yigen mbouj doengz le，bouxgapdoih wnq wngdang dingz guh hangh hongsaeh neix gonq.

Diuz goujbak caetcib it Bouxgapdoih mbouj ndaej vih caephengz hongsaeh gapdoih cix cingjgouz aeu ngaenzhong，hoeng cawz ok habdoengz gapdoih lingh miz iekdingh.

Diuz goujbak caetcib ngeih Gapdoih caez faen leihyinh caeuq caez rap siedbonj，ciuq gij iekdingh ndaw habdoengz gapdoih de banh；danghnaeuz habdoengz gapdoih mbouj miz iekdingh roxnaeuz iekdingh mbouj cingcuj，youz bouxgapdoih doxyaeng dingh；doxyaeng lij dingh mbouj roengz ne，youz bouxgapdoih ciuq okbonj lainoix faen leihyinh、rap siedbonj；mbouj miz banhfap doek- dingh okbonj lainoix ne，youz bouxgapdoih bingz faen、bingz dan.

Diuz goujbak caetcib sam Bouxgapdoih doiq gij dawzcaiq gapdoih rap miz cwzyin lienzdaiq. Bouxgapdoih boiz gij dawzcaiq gapdoih mauhgvaq aen soq bonjfaenh wngdang boiz de，miz gienz gyaep bouxgapdoih wnq boiz dauq.

Diuz goujbak caetcib seiq Cawz yiengh habdoengz gapdoih lingh miz iekdingh，bouxgapdoih cienj caez roxnaeuz cienj mbangj faenhngeg caizcanj hawj boux mbouj dwg bouxgapdoih ne，aeu boux- gapdoih wnq doengzeiq caez cij baenz.

Diuz goujbak caetcib haj Bouxcuengqcaiq hawj bouxgapdoih mbouj ndaej dingjfaenh hengz gij gienzleih bouxgapdoih ciuq gvidingh cieng neix caeuq habdoengz gapdoih miz haenx，hoeng cawz ok bouxgapdoih miz gij gienzleih cingjgouz faenboiq leih’ik.

第九百五十七条  行纪人按照约定买入委托物，委托人应当及时受领。经行纪人催告，委托人无正当理由拒绝受领的，行纪人依法可以提存委托物。

委托物不能卖出或者委托人撤回出卖，经行纪人催告，委托人不取回或者不处分该物的，行纪人依法可以提存委托物。

第九百五十八条  行纪人与第三人订立合同的，行纪人对该合同直接享有权利、承担义务。

第三人不履行义务致使委托人受到损害的，行纪人应当承担赔偿责任，但是行纪人与委托人另有约定的除外。

第九百五十九条  行纪人完成或者部分完成委托事务的，委托人应当向其支付相应的报酬。委托人逾期不支付报酬的，行纪人对委托物享有留置权，但是当事人另有约定的除外。

第九百六十条  本章没有规定的，参照适用委托合同的有关规定。

第二十六章  中介合同

第九百六十一条  中介合同是中介人向委托人报告订立合同的机会或者提供订立合同的媒介服务，委托人支付报酬的合同。

第九百六十二条  中介人应当就有关订立合同的事项向委托人如实报告。

中介人故意隐瞒与订立合同有关的重要事实或者提供虚假情况，损害委托人利益的，不得请求支付报酬并应当承担赔偿责任。

第九百六十三条  中介人促成合同成立的，委托人应当按照约定支付报酬。对中介人的报酬没有约定或者约定不明确，依据本法第五百一十条的规定仍不能确定的，根据中介人的劳务合理确定。因中介人提供订立合同的媒介服务而促成合同成立的，由该合同的当事人平均负担中介人的报酬。

中介人促成合同成立的，中介活动的费用，由中介人负担。

第九百六十四条  中介人未促成合同成立的，不得请求支付报酬；但是，可以按照约定请求委托人支付从事中介活动支出的必要费用。

第九百六十五条  委托人在接受中介人的服务后，利用中介人提供的交易机会或者媒介服务，绕开中介人直接订立合同的，应当向中介人支付报酬。

第九百六十六条  本章没有规定的，参照适用委托合同的有关规定。

第二十七章  合伙合同

第九百六十七条  合伙合同是两个以上合伙人为了共同的事业目的，订立的共享利益、共担风险的协议。

第九百六十八条  合伙人应当按照约定的出资方式、数额和缴付期限，履行出资义务。

第九百六十九条  合伙人的出资、因合伙事务依法取得的收益和其他财产，属于合伙财产。

合伙合同终止前，合伙人不得请求分割合伙财产。

第九百七十条  合伙人就合伙事务作出决定的，除合伙合同另有约定外，应当经全体合伙人一致同意。

合伙事务由全体合伙人共同执行。按照合伙合同的约定或者全体合伙人的决定，可以委托一个或者数个合伙人执行合伙事务；其他合伙人不再执行合伙事务，但是有权监督执行情况。

合伙人分别执行合伙事务的，执行事务合伙人可以对其他合伙人执行的事务提出异议；提出异议后，其他合伙人应当暂停该项事务的执行。

第九百七十一条  合伙人不得因执行合伙事务而请求支付报酬，但是合伙合同另有约定的除外。

第九百七十二条  合伙的利润分配和亏损分担，按照合伙合同的约定办理；合伙合同没有约定或者约定不明确的，由合伙人协商决定；协商不成的，由合伙人按照实缴出资比例分配、分担；无法确定出资比例的，由合伙人平均分配、分担。

第九百七十三条 合伙人对合伙债务承担连带责任。清偿合伙债务超过自己应当承担份额的合伙人，有权向其他合伙人追偿。

第九百七十四条  除合伙合同另有约定外，合伙人向合伙人以外的人转让其全部或者部分财产份额的，须经其他合伙人一致同意。

第九百七十五条  合伙人的债权人不得代位行使合伙人依照本章规定和合伙合同享有的权利，但是合伙人享有的利益分配请求权除外。

（60 caengz sat）

（壮文稿由中国民族语文翻译局提供）