Seizcou, doengh nazmbaeklae Lungzciz laeng Lungzswng Gak Cuz Swciyen haeux baenz lo. Baez yawj bae, baenz doengh nazhaeux henj- rwgrwg, mbaek dem mbaek, gig gyaeundei, yinx le haujlai hekyouz daeuj neix youz.

Bi 2018, doengh nazmbaeklae Lungzciz baengh “nazmbaeklae ndaemhaeux baihnamz Cungguek”aeundaej baj baiz “aen yizcanj vwnzva nungzyez youqgaenj daengx guek”. Seizneix, gij nazmbaeklae ndeiyawj neix gaenq bienqbaenz baj“baiz gim” ndeu , dieg de aeu de bae guh lijyouz lajmbanj, coicaenh vunzlai doxcaez baenzmiz.（Banh Cisiengz/潘志祥）