Gvangjsih Sam Geiqdoh Gonq Doiqrog Gaicawx Haeuj Ok

Guek Cungjsoq Beij Caemh Duenh Bi’gvaq Gyalai 18.4%

10 nyied 20 hauh, dou camcaz Nanzningz Haijgvanh cix rox, bineix sam geiqdoh gonq, Gvangjsih doiqrog gaicawx haeuj ok guek cungjsoq miz 4981.5 ik maenz, beij caemh duenh bi’gvaq gyalai 18.4%. Ciuq gij soq gyonjsuenq, bineix gih raeuz guh gaicawx haeuj ok guek aen geiqdoh beij aen geiqdoh gyalai, geiqdoh it、ngeih、sam guh gaicawx haeuj ok guek faenbied miz 1578.8 ik maenz、1658.9 ik maenz、1743.8 ik maenz.

Gijneix daegbied dij ndaej dwen, gih raeuz caeuq doengh aen guekgya caez laeb “it rangh it loh”haenx guh gaicawx haeuj ok guek mboujduenh gyagawh lailai. Sam geiqdoh gonq, Gvangjsih caeuq doengh aen guekgya caez laeb“it rangh it loh”guh gaicawx haeuj ok guek 3528.8 ik maenz, beij caemh duenh bi’gvaq gyalai 33.1%.

（Loz Cing Liengz Yingj Lij Meijyingz）

（youq Gvangjsih Yizbau genj aeu mbangj daeuj hoiz）