Vihliux hawj hagseng gangj Vahcuengh ak, hawj gyauyuz gyauyoz ndei lai, senj ok boux aeu Vahcuengh gangj gojgaeq ak bae camgya Swcigih Gaiq Daihroek Daengx Gih Siuj- hagseng Aeu Vahcuengh Biucinj Doxdax Gangj Gojgaeq, 10 nyied 10 hauh, Doxdax Senjleh Siuj- hagseng Aeu Vahcuengh Gangj Gojgaeq Gveigangj Si Cinzdangz Gih youq Mungzgungh Minzcuz Cunghyoz guh.

Baez doxdax neix youz Cinzdangz Gih Gyauyuzgiz cawj- banh, Mungzgungh Yozgih、 Mungzgungh Cin Cunghsinh Siujyoz、Mungzgungh Minzcuz Cunghyoz ciepbanh. Boux cam- gya doxdax dwg gyoengq hagseng hagdangz minzcuz song saw vah Cinzdangz Gih Mungzgungh Cin Cunghsinh Siujyoz、Gujsanh Siujyoz、Gauhcan Siujyoz daengj, gungh 27 vunz.

Gyoengq hagseng camgya doxdax haenx aeu Vahcuengh gangj gij gojgaeq cawjdaez sienmingz、baijok gij conzdungj ndei Cunghvaz Minzcuz caeuq gij neiyungz ndei minzcuz doxgiet cinbu, gyoengqde doxdax beijak buenq ngoenz le, bingz ok it daengj ciengj 10 mingz、 ngeih daengj ciengj 17 mingz.

Baez doxdax neix, gyoengq hagseng camgya doxdax haenx ndaej lienh uk lienh damj, mboujdanh vah gangj ndaej raeuzrad lai lo, ukgyaeuj hix lingz lai rox lai lo.

(Cinz Souhwngz/覃寿恒)