10 nyied 13 hauh, Bi 2023 Aen Langhbaij Lijyouz Cunghgoz—Dunghmungz Bozlanjvei youq Aen Cungsim Veicanj Gozci Gveilinz haimuq. Baez hozdung neix hawj Cunghgoz—Dunghmungz dauq guh lijyouz dox baedauq, doengh aen gihgou youq Cunghguek caeuq giyez cib aen guek Dunghmungz daengj 37 aen guekgya caeuq dieg rogbiengz camgya langhbaij. Dieg langhbaij gvangq 5 fanh bingz- fanghmij, dwg gaiq langhbaij ciemq dieg ceiq lai ndeu. Miz giz yawj lijyouz vwnzva ndawguek、giz baij ok doxgaiq lijyouz gozci daengj caet giz langhbaij. Gyoengqde lij hai Aen Lundanz Lijyouz Cuengq- soeng Hwngfat Caeuq Doxyungz Cauhmoq Cunghgoz—Dunghmungz、Gaiq Daih’it Aen Daihhoih Lijyouz Vwnzva Yizcanj daengj 10 lai ciengz ciendaez hozdung. Lij dem lai le giz langhbaij gij roknda youq rogranz lijyouz vunzlai cungj yinx haenx, baij ok doengh aen anqlaeh gij gisuz roknda vwnzva caeuq lijyouz daengx guek ndaej daezsang cix ndei de.

（Lungz Dauh/龙 涛）