Sinsiujgiuz makyiemz, dwg aenvih bouxbingh bonjndang gij menjyiz goengnaengz de luenhlab, cauxbaenz menjyiz doxgaiq fukhab youq ndaw mak ndang vunz miz ok dongcwk, hawj aen mak deng sieng. Sinsiujgiuz makyiemz faenbaenz: Himoz cwnghswnghsing sinsiujgiuz makyiemz、mozsing makyiemz、 moz- cwnghcizsing sinsiujgiuz makyiemz daengj. Hoeng raeuz yenzgiu gipsingq sinsiujgiuz makyiemz, miz gij daegdiemj binghyiengh gip、bingh cingzdoh youqgaenj haenx. Lajneix, couh daiq caezgya bae liujgaij gipsingq sinsiujgiuz makyiemz miz gij linzcangz biujyienh lawz, wngdang baenzlawz yawhfuengz caeuq ywbingh.

It、Gipsingq sinsiujgiuz makyiemz linzcangz biujyienh miz doengh gijlawz

Youq baenzbingh seizcaeux, bouxbingh doengciengz okyienh nyouhdanbwz、nyouhlwed、daengx ndang fouz foeg、hezyaz sang daengj binghyiengh. Langh binghyiengh caenh’itbouh gyanaek, gij goeng- naengz aenmak bouxbingh biujyienh gig mbouj bingzciengz hix yaek engqgya mingzyienj. Gidij daeuj gangj, bouxbingh gipsingq sinsiujgiuz makyiemz youq daraen ok nyouhlwed le, oknyouh soqliengh beij gaxgonq gemjnoix. Hoeng bouxbingh gipsingq sinsiujgiuz makyiemz gij hezyaz suijbingz de hix okyienh bienq sang. Cungj hezyaz neix swng sang cingzgvang, ndaej doenggvaq gwn yw liniuci gibseiz gaijgez. Hoeng, danghnaeuz hezyaz swng sang yienh- siengq daiq youqgaenj, bouxbingh gig miz gojnaengz gyonjgyoeb baenz hezyaz uk binghyiengh, binghcingz engqgya haeuj naek. Raemx foeg dwg cungj binghyiengh gipsingq sinsiujgiuz makyiemz bouxbingh ceiq ciengzseiz raen ndeu. Bouxbingh gyanghaet hwnjdaeuj seiz, fatyienh cihgeij gij yienhsiengq fajnaj foeg raemx caeuq da foegfouz. Mbangj bouxbingh ranghdieg foeg raemx lij yaek banhsanq daengz dungx roxnaeuz daengx ndang.

Ngeih、Gipsingq sinsiujgiuz makyiemz miz doengh gij yienzaen lawz

Sinsiujgiuz makyiemz fat bingh caeuq vunz ganjyenj nengzbingh mizgven. Youq mwh ndang vunz menjyiz hidungj okyienh luenhlab, gij ndangdaej dingjhoenx naengzlig bonjfaenh de yaek mingzyenj gemj- nyieg. Duznengz、 binghdoeg、caengin cungj yaek ciemqhaeuj ndangvunz, yaeuhfat baenz bingh. Yinxfat gij nengzbingh gipsingq sinsiujgiuz makyiemz ceiq ciengzseiz raen haenx, dwg gij nengzbingh gipsingqlengiuz. Linghvaih, lizgwz cisidij、lozsenzdij cihyenzdij, yenz- cungz caeuq nongeiqseng hix yaek yinxfat gipsingq sinsiujgiuz makyiemz. Gatsat, gij bingh gifazsing sinsiujgiuz makyiemz hix yaek cauxbaenz gip- singq sinsiujgiuz makyiemz. Ciengz raen gij bingh gifazsing sinsiujgiuz makyiemz de, baugvat hidungjsing hungzbanh langhcangh、gominjsing swjden caeuq siujhezgvanjyenz、binghlwngjgiuzdanbwzhez daengj.

Sam、Gij fuengfap cazniemh yawjduenh gipsingq sinsiujgiuz makyiemz haenx miz doengh cungj lawz

（It） Sizyensiz genjcaz yawjduenh

Gipsingq sinsiujgiuz makyiemz ndaej doenggvaq genjcaz raemxnyouh、goengnaengz aen mak、hezcangzgveih menjyiz bouxbingh gak hangh cijbyauh bae yawjduenh. Youq mwh genjcaz gij raemx nyouh, itbuen yaek gienjniemh gij nyouh danbwz boux deng genjcaz 24 siujseiz ndawde. Gij yawjfap duenqdingh gezgoj bouxbingh ciengzseiz cungj mizok lwed nyouh, lwgda yawj ndaej raen nyouhlwed caeuq nyouhdanbwz. Mwh genjcaz gij goengnaengz aenmak, danghnaeuz fatyienh boux deng genj sinsiujgiuz beijlaeh daihgvaq doekdaemq, gij goengnaengz sinsiujguenj mbouj deng yingjyangj, gij noengzsuk goengnaengz caemh veizciz cingqciengz. Couh ndaej cobouh buenqdingh bouxbingh miz gipsingq sinsiujgiuz makyiemz, mwh hezcangzgveih genjcaz, gip- singq sinsiujgiuz makyiemz boux- bingh gojnaengz youq genjcaz gezgoj ndawde yienh’ok lwedhaw cingzdoh mbaeu、bwzsibauh gisudui loq swng sang, hoeng menjyizyoz genjcaz, bujdij C3 caeuq cungjbujdij cungj ndaej yienh’ok aen seiqdaeuz doekdaemq yienhda.

（Ngeih）Daegbied cimdoiqsingq genjcaz

Daegbied cimdoiqsingq genjcaz dwg ceij, doenggvaq cungj fuengsik binghleix hozgenj haenx daeuj guh duenqdingh. Danghnaeuz bouxbingh youq linzcangz fuengmienh gaenq mizok yiengh denjhingz binghyiengh gipsingq sinsiujgiuz makyiemz, itbuen mbouj genyi doenggvaq cungj genjcaz fuengsik neix daeuj duenqdingh. Neix cujyau dwg aenvih, cungj genjcaz fuengsik neix yaek doiq ndangdaej bouxbingh cauxbaenz sienghaih. Youq mwh linzcangz gienjniemh, canghyw nem boux hohleix ndaej gaengawq gij saedceiq cingzgvang bouxbingh gyoebhab ngeixnaemj lai fuengmienh yinhsu, doekdingh gij bizyausing aeu guh genjcaz haenx. Doeklaeng, yawj cingzgvang genj yungh cungj caz- niemh fuengsik neix.

Seiq、Miz geijlai fuengfap gemjniemh yawhduenh gipsingq makyiemz

（It） Gij fuengfap ywbingh

Gipsingq sinsiujgiuz makyiemz duenqdingh le, yungh mbouj doengz fueng’anq bae yw. Daih’it, doiq gij gaenq nyinhdingh ganjyenj haenx, wngdang cimdoiqsingq bae dingjdawz ganjyenj yw bingh, ciuq binghcingz bae yungh yw. Daihngeih, doiq bouxbingh binghcingz cingzdoh gig mbouj sang haenx, ndaej gaengawq linzcangz biujyienh de, doiq bingh daeuj yw. Lumjbaenz, gij yienhsiengq okyienh foeg haenx, ndaej sawjyungh yw leihnyouh siufoeg. Bak gwn yw gyangq hezyaz gamhanh hezyaz. Mizok bingh hezyaz sang naujbing wnggai simdingh caeuq gyadaih sailwed、gyangqyaz lienzhab ywbingh, ciengz yungh yw dwg siuhbujnaz. Cimdoiq gij binghyiengh aen bwt foeg raemx aeu yw seiz, wngdang yiemzgek hanhhaed vunzbingh gwn raemx soqliengh caeuq naz yenzsu gwn haeuj lai, gyagiengz leihnyouh yaugoj.

（Ngeih） Yawhfuengz bingh

Wnggai baexmienx gwn ywmak- doeg. Ywdingzin, ywganjmau, ywdoj cungh cungj daiq miz di doegsieb, ndaej doiq ndangdaej caeuq aenmak boux vunz daise cauxbaenz itdingh fudan, doiq aenmak cauxbaenz sienghaih, daj neix yinxfat makyiemz. Itdingh gaej lanh gwn lanh ndoet. Vihliux yawhfuengz gipsingq sin- siujgiuz makyiemz, gwnndoet gvilwd、dinghseiz dinghliengh gig youqgaenj. Gaej gwn gijgwn gyu lai、danbwz lai haenx, gya naek diuz rap aenmak. Wngdang gibseiz fuengzre dwgliengz. Baez okyienh binghyiengh dwgliengz, hix aeu ciuqseiz yungh banhfap yw, baexmienx gij binghdoeg dwgliengz haenx haeuj ndaw mak bae, yinxhwnj yenzcwng.

Gyonj daeuj gangj, gipsingq sinsiujgiuz makyiemz dwg cungj bingh aenmak baenz bingh ndawde ceiq ciengz raen haenx. Wngdang yawjnaek cungj bingh neix, gibseiz yungh banhfap bae yw.

肾小球肾炎，是由于患者自身的免疫功能紊乱，导致免疫复合物在人体肾脏中产生堆积，对肾脏造成损伤。肾小球肾炎分型：系膜增生性肾小球肾炎、膜性肾炎、膜增殖性肾小球肾炎等。而我们探讨的急性肾小球肾炎，具有临床发病病势急、疾病严重程度高的特征。下面，就带大家了解一下急性肾小球肾炎有哪些临床表现，应当如何预防和治疗。

一、急性肾小球肾炎的临床表现有哪些？

在患病早期，患者通常会出现蛋白尿、血尿、全身浮肿、高血压等临床症状。若症状进一步加重，患者的肾功能异常表现也会更加显著。具体来说，急性肾小球肾炎患者在出现肉眼血尿的症状后，排尿量较前减少。而急性肾小球肾炎患者的血压水平也会出现增高。这种血压升高情况，可通过服用利尿剂及时解决。但若血压升高现象过于严重，患者很有可能合并出现血压脑病症状，病情严重程度加重。水肿是急性肾小球肾炎患者最为常见的一种症状。患者晨起时，会观察到自己出现颜面水肿和眼睑水肿的现象。部分患者的水肿区域还会扩散到腹部或全身。

二、急性肾小球肾炎的病因有哪些

肾小球肾炎的发病与人体感染细菌有关。当人体免疫系统出现紊乱时，其自身的身体抵抗力会显著减弱。细菌、病毒、真菌都会入侵人体，诱发疾病。引发急性肾小球肾炎最常见的细菌为急性链球菌。另外，立克次氏体、螺旋体支原体，原虫以及寄生虫也会引发急性肾小球肾炎。最后，继发性肾小球疾病也会导致体患上急性肾小球肾炎。常见的继发性肾小球疾病包括系统性红斑狼疮、过敏性紫癜以及小血管炎、冷球蛋白血症等。

三、治疗急性肾小球肾炎的诊断检验方法有哪些

（一）实验室检查诊断

急性肾小球肾炎可通过检查患者的尿液、肾功能、血常免疫各项指标进行诊断。在检查尿液时，一般会检验受检者24小时内的尿蛋白。患者的诊断结果往往会显示镜下血尿，肉眼可见血尿和蛋白尿。而检查肾功能时，若发现受检者的肾小球滤过率下降，肾小管功能未受影响，浓缩功能也维持正常。即可初步判定患者患有急性肾小球肾炎，血常规检查中，急性肾小球肾炎患者可能会在检查结果中显示出轻度贫血、白细胞计数对略微升高，而免疫学检查，补体C3和总补体都会呈现出显著下降的趋势。

（二）特殊针对性检查

特殊针对性检查是指，通过病理活检的方式进行确诊。若患者临床上已经出现了急性肾小球肾炎的典型症状，一般不建议通过此种检查方式确诊。这主要是由于，此种检查方式会对患者身体造成创伤。在临床检验时，医护人员可根据患者的实际情况综合考虑多方面因素，确定此检查的必要性。最后，酌情选用此种检验确诊方式。

四、急性肾小球肾炎应当怎样预防治疗？

（一）治疗方法

急性肾小球肾炎确诊后，应用不同的治疗方案。首先，对于已经确认感染，应当针对性抗感染治疗，按疗程用药。其次，对于病情严重程度不高的患者，可根据其临床表现，对症治疗。例如，出现浮肿的现象，可使用利尿药消肿。口服降压药控制血压。出现高血压脑病应镇静和扩血管、降压联合治疗，常用药物为硝普钠。针对患者肺水肿的症状进行治疗时，应当严格限制患者饮水量和钠元素摄入量，强化利尿效果。

（二）疾病预防

应避免服用肾毒性药物。止痛药，感冒药，中草药都带有一定毒性，会对人体肾脏的代谢和肝脏代谢造成一定的负担，对肾脏造成损伤，由此引发肾脏炎症。切勿暴饮暴食。为预防急性肾小球肾炎，规律饮食、定时定量非常重要。避免食用高盐、高蛋白食物，加重肾脏负担。应及时预防感冒。一旦出现感冒症状，也要按时采取措施治疗，避免感冒病毒进入肾脏，引起炎症。

总之，急性肾小球肾炎属于肾病中常见的疾病。应当重视此类疾病，及时采取措施进行治疗。

（作者：蓝菲香；单位：南宁市上林县中医医院）