Bet nyied cibngux caeuq ciet Gozging, gak aen diegbaeyouz Dasinh Yen guh lai cungj lai yiengh vwnzva guh’angq hozdung, hawj gyoengq hekyouz angq gvaq ciet. Aen Diegbaeyouz Raemxdiuqdat Hamjbiengz Dwzdenh doi ok “ngoenz ndeu youz song guek”—— “Dwzdenh · Banjyoz hamjbiengz lijyouz”, haujlai hekyouz daeuj neix guhcaemz; Aen Dieg Gvaq Ngoenzgyaj Lijyouz Guekgya Mingzsw guh hoih yawj daeng、ciet laeujbizciuj、hai haw、daejniemh feihyiz daengj hozdung; Aen Diegbaeyouz Dungnazvanh ok cwngcwz youhvei, hekyouz daenj Buhgun ingjsiengq, nauhyied raeuh. Linghvaih, hekyouz caemh maij bae youq yienh de guh lajmbanj lijyouz、gag hai ci lijyouz、lijyouz dinj daengj. Baez ciet neix, Dasinh Yen gungh daih hekyouz 58.69 fanh vunz, lijyouz souhaeuj gungh 4.798 ik maenz ngaenz.

（Liengz Gveivah/梁桂花 Nungz Sinhli/农新俐）