Daj bi’gvaq doxdaeuj, Sangswh Yen doidoengh hwnqguh “giz doegsaw lajmbanj”, youq mbangj aen mbanj gyaez doegsaw、vwnzva fwnhveiz ndei haenx guh ranzsaw iq lajmbanj, dajdoeng liux “goengleix satbyai” ranzsaw lajmbanj caeuq vunzlai aeuyungh laeng gij mbanj doekgungx.

Seizneix cingq dwg seizhoengq, gyoengq vunzmbanj cungj maij daeuj giz doegsaw lajmbanj Gyau- anh Cin Nazgungh Cunh aen diemqbienhleih Yungzcingh guh- caemz yawj saw. Bi’gvaq 7 nyied, vunzmbanj Vangz Cicungj ok dieg laeb giz doegsaw neix cix mbouj aeu ngaenz. Seizneix, giz doegsaw lajmbanj neix miz haj bak lai cek saw, cawjdaeuz daj aen ranzsaw Nazgungh Cunh riuzcienj gvaq- daeuj, buenq bi couh vuenh baez ndeu. Gij saw cawjdaeuz miz loih son’gyauq dangjgen、 loih sevei gohyoz、loih lwgnyez caeuq son- gyauq ndangcangq hawj vunzlai siengj yawj saw couh miz saw yawj.

Guh “giz doegsaw lajmbanj” hawj vunzmbanj engq haengj yawj saw, coicaenh vwnzmingz lajmbanj, bangrengz saenqhwng lajmbanj, guh ok rengzmbwk dazyinx funghsang、son’gyauq bouxguhnaz、fugsaeh nungzyez daengj.

(Liz Yiminz/黎玉民 Liengz Gizcenz/梁吉泉 Luz Vanjcinh/陆婉珍)