Siz Ginbingz Guh Vixyinx Youqgaenj Vix Raeuz Guh Hong Senhconz Swhsiengj Vwnzva Daegbied Gangj Daengz

Giendingh Gag Saenq Vwnzva Bonjfaenh Dawzdingh Hailangh Bauyungz Dingjmaenh Souj Goek Cauhmoq

Vih Cienzmienh Hwnqguh Aen Guekgya Sevei Cujyi Yendaiva Cienzmienh Doicaenh Cunghvaz Minzcuz Fukhwng

Hungmbwk Daezhawj Swhsiengj Baujcingq Rengzrwd Cingsaenz Ligliengh Hung’ak Vwnzva Diuzgen Ndeileih

Cai Giz Camgya Aen Hoih Hong Senhconz Swhsiengj Vwnzva Daengx Guek Caemhcaiq Gangjvah

习近平对宣传思想文化工作作出重要指示强调

坚定文化自信秉持开放包容坚持守正创新 为全面建设社会主义现代化国家 全面推进中华民族伟大复兴提供坚强思想保证强大精神力量有利文化条件

蔡奇出席全国宣传思想文化工作会议并讲话

为全面建设社会主义现代化国家

全面推进中华民族伟大复兴提供坚强思想保证强大精神力量有利文化条件

Sinhvazse Baekging 10 nyied 8 hauh dienh Cunghgung Cunghyangh cungjsuhgi、Guekgya cujsiz、Cungh- yangh Ginhveij cujsiz Siz Ginbingz geij ngoenz gonq guh vixyinx youqgaenj vix raeuz guh hong senhconz swhsiengj vwnzva cix vixok, hong senhconz swhsiengj vwnzva gvendaengz gij roennaj minghyinh Dangj raeuz, gvendaengz guekgya ciengzgeiz andingh, gvendaengz gak minzcuz rox comzgiet caeuq rox gaenriengz, dwg gaiq hong youqgaenj dangqmaz ndeu. Daj Dangj raeuz hai Cibbet Daih doxdaeuj，Dangjcungh- yangh daj daengxbuenz caeuq canloz gizsang baenzneix bae guh, baenzroix maeuzveh caeuq baijbouh hong senh- conz swhsiengj vwnzva, doinyoengx saehnieb senhconz swhsiengj vwnzva seizdaih moq aeundaej yiengh cwngzciu hab geiq haeuj lizsij, gij hingzseiq aen lingjyiz yisiz hingzdai ndaej daj daengxbuenz、daj goekgaen bae cienjbienq, daengx Dangj daengx guek gak cuz yinzminz engqgya gag saenq vwnzva bonjfaenh、enggya haenqheiq yungfo.

Siz Ginbingz daegbied gangj daengz, youq seizdaih moq gwnz roen moq, aen geizseiq boekbienq seiqgyaiq bak bi caengz miz gvaq de gyavaiq bienq bae, Cunghvaz Minzcuz fukhwng hungmbwk haeuj daengz mboengq gig youqgaenj, miz seizgei hungloet caemh miz fungyiemj nyauxnyex, hong senhconz swhsiengj vwnzva bungzdaengz hingzseiq moq yinvu moq, itdingh yaek yienh’ok yienghsiengq moq cingzcik moq. Yaek itloh aeu Aen Swhsiengj Sevei Cujyi Miz Gij Daegsaek Cungguek Seizdaih Moq daeuj dazyinx, cienzmienh gvancez gij cingsaenz Ngeihcib Daih Dangj raeuz, comzrengz bae guhndei aen cwngci yinvu ceiq daeuz couhdwg yungh gij lijlun cauhmoq aen Dangj daeuj cangndei daengx dangj、son’gyauq yinzminz, hopheux aen sawjmingh vwnzva moq couhdwg youq giz lizsij hwnjdin moq laebdaeb doinyoengx vwnzva mwnhoengh、hwnqguh aen guek vwnzva ak、cauhlaeb vwnzmingz ciuhneix Cunghvaz Minzcuz, giendingh gag saenq vwnzva bonjfaenh, dawzdingh hailangh bauyungz, dingjmaenh souj goek cauhmoq, roengzrengz gyaak dangj lingjdauj hong senhconz swhsiengj vwnzva, roengzrengz cauhlaeb yiengh yisiz hingzdai sevei cujyi miz rengz- gietcomz caeuq rengzdazyinx hungak, roengzrengz gungganq caeuq saedhengz yiengh haedsim gyacizgvanh sevei cujyi, roengzrengz hawj sinhvwnz yizlun cienzboq ndaej lai gyae、dazyinx ndaej lai ak、yingjyangj ndaej lai lai、 vunzlai gag lai saenq, roengzrengz ciepswnj diuzmeg vwnzmingz Cunghvaz、doinyoengx gij conzdungj vwnzva maenhndei Cunghvaz ndaej doenggvaq dajcauh bae cienjvaq、cauhmoq bae hwngfat, roengzrengz doinyoengx saehnieb vwzva caeuq canjnieb vwnzva mwnhoengh hwngfat, roengzrengz gyaak gij rengzlig cienzboq bae rogguek、coihawj vwnzmingz gyaulouz doxhag, gikfat daengx minzcuz ok rengzhoengh cauhguh cauhmoq vwnzva, mboujduenh gyamaenh aen giekdaej swhsiengj caezcaemh daengx Dangj daengx guek gak cuz yinzminz caezhoz buekguh, mboujduenh hawj gij vwnzva saedlig’unq guekgya caeuq gij rengzyingjyangj Cunghvaz vwnzva laiak dem, vih cienzmienh hwnqguh aen guekgya sevei cujyi yendaiva、cienzmienh doicaenh Cunghvaz Minzcuz fukhwng hungmbwk daezhawj swhsiengj baujcingq rengzrwd、cingsaenz ligliengh hung’ak、 vwnzva diuzgen ndeileih.

Siz Ginbingz daegbied gangj daengz, gak gaep dangjveij(dangjcuj) yaek dangq hongsaeh guh ndei senhconz swhsiengj vwnzva baenz faenh rap cwngci naekhung dawz coq gwnz mbaq, saedbauj gij gezcwz baijbouh hwnqguh vwnzva Dangjcunghyangh ndaej doeksaed daengz dieg. Gak gaep senhconz vwnzva bumwnz yaek lai rox lai ak dangrap cwngci, mizmbei gaijgwz cauhmoq, gamj guh rox guh dwkhoenx, mboujduenh haiok buenzmienh moq hong senhconz swhsiengj vwnzva seizdaih moq.

Aen Hoih Hong Senhconz Swhsiengj Vwnzva Daengx Guek 10 nyied 7 hauh daengz 8 hauh youq Baekging hai. Aen hoih neix lwnh vunzlai rox gij vixyinx youqgaenj Siz Ginbingz guh’ok haenx. Cunghgung Cunghyangh Cwngcigiz cangzveij、Cunghyangh Suhgicu suhgi Cai Giz camgya hai hoih caemhcaiq gangjvah.

（youq Gvangjsih Yizbau genj aeu mbangj daeuj hoiz）