Gaengawq gij soqgawq dox gvanlienz haenx dungjgi, guek raeuz gij vunz baenz bingh menhsingq aenmak haenx dabdaengz 1.3 ik vunz baedauq. Hoeng singqcingz menhsingq makyiemz youq bingh menhsingq aenmak ndawde ciemq beijlaeh sang gvaq 40%, lij miz mbangj boux vunzbingh, aenvih miz bingh menhsingq makyiemz le caengz ndaej gibseiz yungh banhfap bae ywbingh, binghcingz caenh’itbouh fazcanj, baenz binghnyouhdoeg. Hoeng soqgawq diucaz gezgoj yienh’ok, boux baenz bingh menh- singq makyiemz ndawde, cijmiz 1/8 baedauq bouxbingh ndaej nyinhdingh. Baenzlawz cij ndaej gohyoz bae baujhoh aenmak ne? Cingj raeuz itheij daiq doengh gij vwndiz neix, daeuj liujgaij gengangh gajsouj——menh- singq makyiemz, hag gij cihsiz gvendaengz dousiz de.

It、Gij cujyau goengnaengz aenmak miz dilawz ne?

Aenmak dwg gij gi’gvanh youq- gaenj bouxvunz, ndang vunz youq supsou raemx le, youz aenmak seng- baenz nyouh, ndang vunz doenggvaq yiengh fuengsik baiz nyouh, dawz gij huqfeiq canjseng okdaeuj haenx baiz ok rog ndang bae. Doengzseiz, aenmak hix ndaej supsou、 baujlouz yingzyangj vuzciz. Lumjbaenz, buzdauzdangz、danbwzciz、anhgihsonh. Doengzseiz, aen mak doiq diuzcez gij raemx caeuq dengaijciz doxdaengh hix miz cozyung youqgaenj. Aenmak miz gij cozyung baiz ok、veizciz raemx ndaw ndang、dengaijciz、sonhgenj ndaej doxdaengh, coicaenh gij sibauh nding ndaw lwed canjseng mizyauq hanhhaed veiz- swnghsu D daengj.

Ngeih、Nyinhrox menhsingq makyiemz

Menhsingq makyiemz dwg gij genjcwngh menhsingq sinsiujgiuz makyiemz. Gyaux miz nyouh danbwz、nyouhlwed、hezyaz sang、foeg raemx daengj ywbingh binghyiengh mbouj doengz cingzdoh de. Menhsingq mak- yiemz youq gwnz ndang bouxbingh gij biujyienh、fazcanj byaijyiengq、cingz- doh youqgaenj de cungj miz cengca. Gaengawq mizgven soqgawq doengj- geiq gezgoj yienh’ok, youq mwh hauxseng, fatbingh bijliz siengdoiq haemq sang. Hoeng aenvih menhsingq makyiemz miz itdingh yaembaexsingq. Ndigah, haujlai vunzbingh youq mwh ok gij yienghsiengq mbouj dwg denjhingz de, mbouj ndaej gibseiz yawjnaek. Seizneix, binghcingz menh- menh fazcanj, yaek hawj vunzbingh ndangdaej gengangh、goengnaengz aenmak cauxbaenz yingjyangj gig youqgaenj. Linghvaih, menhsingq makyiemz lij ndaej sawj aenmak bouxbingh oknyienh mboujdoengz byiujyienh mbouj doengz cingzdoh deng sonjhaih. Hezgihganh suijbingz dwg aen haedsim cijbyauh genjniemh boux vunzbingh baenz mbouj baenz gij binghnyouhdoeg. Danghnaeuz hez- gihganh suijbingz hwnjsang yienhda, dabdaengz itdingh cingzdoh, boux- bingh couh yaek deng doekdingh dwg baenz binghnyouhdoeg. Hoeng daj gij gvanhaeh menhsingq makyiemz caeuq lwed dousiz daeuj gangj, seizneix guek raeuz lwed dousiz binghyiengh aeu menhsingq makyiemz ceiq denjhingz.

Sam、Seiq aen saenqhauh yungyiemj, daezsingj mwngz aiq baenz menhsingq makyiemz

Gij biujyienh yaembaexsingq menhsingq makyiemz gig ak, youq mwh cobouh fatbingh, binghyiengh mbouj mingzyienj. Ndigah, yaek sawj de cugbouh byaij coh aen fueng- yiengq engqgya yiemzcungh de, cinjdeng yawj guh dwg gij bingh- nyouhdoeg. Mwh ndang miz geij aen saenqhauh mbouj doengz bingzciengz neix, aiq daezsingj mwngz gaenq baenz binghmenhsingq makyiemz lo. Daih’it, danghnaeuz raen gij baezsoq baiz nyouh bonjfaenh gyalai, baiz nyouh seiz okyienh gij yienhsiengq cungj fugfauz soqliengh haemq lai, eiqsei dwg naeuz mwngz baenzbingh yungyiemj lai. Daihngeih, mwh raen miz da caeuq gen foeg raemx, aiq daezsingj mwngz gaenq baenz bingh- menhsingq makyiemz lo. Daihsam, danghnaeuz okyienh mbouj mingzbeg yienzaen hwet in, caemhcaiq hezyaz swng sang caeuq mbouj rox yienzaen vihmaz lwedhaw, hix cungj byaujsi mwngz aiq baenz menhsingq mak- yiemz. Danghnaeuz mwngz gwn haeux noix, simnyinx、rueg, hoeng dungxsaej goengnaengz genjcaz yienh’ok cingq- ciengz, gyanghaemh nyouh deih seiz, hix ndaej daezsingj dwg menhsingq makyiemz. Geiqmaenh gij yungyiemj saenqhauh geij aen ndangdaej gwnz- neix gangj, ndaej bang mwngz caeux di cawzbae menhsingq makyiemz, danghnaeuz baizcaz le cingqcaen duenq bingh caengz baenz bingh, hix aeu louzsim yungh yawhfuengz banhfap, gaijbienq gij bingzciengz swnghhoz sibgvenq bonjfaenh, baujciz gyu noix, gwn cit, lai gwn raemx, mbouj cit ien mbouj gwn laeuj, habdangq gamhanh ndangnaek, camgya dijyuz donlen.

Seiq、Rox lwed dousiz cihsiz iq, gibseiz yw menhsingq makyiemz

Menhsingq makyiemz dangh- naeuz mbouj gibseiz yungh banhfap gamhanh, gig miz gojnwngz caenh- itbouh fazcanj baenz binghnyouhdoeg. Hoeng baenz bingh fazcanj haeuj daengz aen seizgeiz neix bae, couh aeu baengh lwed dousiz cungj fuengsik neix bae dabdaengz aen yaugoj ywbingh. Lwed dousiz dwg cungj fuengfap cigciep dawz gij lwed bouxbingh daz ok rog bae, baengh dousizgi baizcawz boux vunzbingh ndaw ndang raemx lai caeuq gij huqfeiq haenx. Doengzseiz, lwed dousiz doiq diuzcez sonhgenj caeuq dengaijciz doxdaengh hix miz itdingh cozyung. Ginggvaq dousiz le, lwed ndaej daengz mizyauq cawqleix seuq bae. Riengzlaeng, caiq yungh gvanj- dau yinx dauqma ndaw ndang. Youq mwh lwed dousiz, bouxbingh wngdang caenhliengh baexmienx gwn raemx caeuq gwn haeux, mienxndaej okyienh gij yienhsiengq saekaek ngoebcaw. dousiz seizde, bouxbingh wngdang baujciz aen ndangdaej habdangq, baexmienx gij fanjying mbouj ndei mwh dousiz mizok gyaeuj ngunh、sim vueng haenx. Dousiz gietsat le, lij aeu fuzcaz hezyaz caeuq ndangnaek. Danghnaeuz bouxbingh dwg yungh gij fuengsik cigsoh roxnaeuz doengh- cinghmeg neilouj haenx, wngdang cinjdeng gamhanh soeng bangjdai seizgan. Linghvaih, aenvih cungj bingh neix hwnjroengz caeuq boux- bingh ndangnaek fubfab miz gvanhaeh gig gaenjmaed, ndigah, ndaej gag bwh aen caengh caengh ndangnaek, youq mwh dousiz ceizseiz caengh ndang- naek, rox gij ndangnaek bienqvaq swhgeij.

Gyonj daeuj gangj, menhsingq makyiemz, dwg gij loihhingz ndaw bingh aenmak ciengzseiz raen haenx, wngdang guh daengz caeux fatyienh、caeux yw, baujciz gwndaenj sibgvenq ndei, caenhliengh youq geizgonq guhndei bingh fuengzre. Danghnaeuz yawjduenh dwg binghnyouhdoeg, wngdang gibseiz yungh dousiz banhfap bae ywbingh, gamhanh binghyiengh.

据相关数据统计，我国慢性肾脏病患者人数达到了1. 3亿人左右。而慢性肾炎在慢性肾疾病患者中的占比高达40%，还有部分患者，由于出现慢性肾炎后未能及时采取措施进行治疗，病情进一步发展，成为尿毒症。但数据调查结果显示，慢性肾炎疾病患者中，只有1/8左右的患者能够确认。怎么样才能科学的保护肾脏呢？让我们一起带着这些问题，来了解健康杀手——慢性肾炎，学习关于透析的小知识。

一、肾脏器官的主要功能有哪些？

肾脏是人体代谢的重要器官，人体在吸收水分后，由肾脏生成尿液，人体可通过排尿的方式，将代谢产生的一部分废物排出体外。同时，肾脏也能够吸收、保留营养物质。例如，葡萄糖、蛋白质、氨基酸。同时，肾脏对于调节人体的水与电解质平衡也有重要的作用。肾脏有排泄、维持体内水、电解质、酸碱平衡，促进血液中的红细胞生成有效活化维生素D等作用。

二、认识慢性肾炎

慢性肾炎是慢性肾小球肾炎的简称。伴有不同程度的蛋白尿、血尿、高血压、水肿等临床症状。慢性肾炎在不同患者身上的表现、发展趋势、严重程度都会产生差异。据相关数据统计结果显示，在青壮年年龄阶段，发病率相对较高。但由于慢性肾炎具有一定的隐蔽性。因此，很多患者在出现非典型症状时，未能及时重视。这时，病情缓慢发展，会对患者的身体健康、肾脏功能造成非常严重的不良影响。另外，慢性肾炎还会导致人体肾脏器官出现不同表现不同程度的损害。血肌酐水平是检验患者是否患上尿毒症的核心指标。一旦血肌酐水平显著上升，达到一定程度，患者即会被确诊为尿毒症。而从慢性肾炎与血液透析的关系上来讲，目前我国的血液透析病因以慢性肾炎最具典型。

三、四个危险信号，提醒你可能患上了慢性肾炎

慢性肾炎的表现隐匿性很强，在初步发病时，并没有非常明显的症状。因此，会导致其逐步向更严重的方向发展，确诊为尿毒症。当身体出现以下几个异常信号时，可能提示你已经患上了慢性肾炎。首先，若发现自己的排尿次数显著增加，排尿时出现尿中泡沫量较大的现象，意味着你的确诊风险增大。其次，当出现眼睑和下肢水肿时，可能提示你已患上慢性肾炎。再次，如果出现不明原因腰痛，且血压显著升高以及不明原因的贫血现象，也都表示你可能患上慢性肾炎。若你发现食欲减退，恶心、呕吐，但肠胃功能检查显示正常，夜尿增多时，也可提示患有慢性肾炎。牢记上述几个身体发出的危险信号，能够帮你早日排除慢性肾炎，如果排查后确诊未患病，也要注意采取预防措施，改变自己的日常生活习惯，保持低盐，清淡饮食，多饮水，戒烟戒酒，适当控制体重，参加体育锻炼。

四、了解血液透析小知识，及时治疗慢性肾炎

慢性肾炎若不及时采取措施控制，很有可能进一步发展确诊为尿毒症。而疾病发展进入这一时期，就需要借助血液透析的方式达到治疗效果。血液透析是一种直接将患者血液引出体外，借助透析器排除患者体内多余水分和代谢废物的方法。同时，血液透析对于调节酸碱及电解质平衡也有一定的作用。经过透析后，血液能得到有效净化。随后，再利用管道输回体内。在进行血液透析时，患者应当尽量避免饮水和进食，避免出现呛咳窒息的现象。透析过程中，患者应保持合适的体位，避免透析过程中产生头晕、心慌的不良反应。在透析结束后，还要对血压和体重进行复测。若患者采用的是直刺或动静脉内瘘的方式，应当准确控制松绑绷带的时间。另外，由于此类疾病的波动与患者体重的波动有非常紧密的关系，因此，可自备体重秤，在透析期间随时称量体重，掌握自己的体重变化。

总之，慢性肾炎，是肾病中常见的类型，应当做到早发现、早治疗，保持良好的生活与饮食习惯，尽可能在前期做好疾病预防。若诊断尿毒症，应当及时采取透析治疗措施，控制疾病症状。

（作者：蓝菲香；单位：南宁市上林县中医医院）