Gyawj geij bi neix, Lingzyinz Yen dazyinx vunzlai gak cuz ndawyienh caezsim coh aendangj, gyonjcomz rengzmbwk coicaenh gak minzcuz caezhoz buekguh.

Lingzyinz Yen hai dangzgoq “vah minzcuz”, yiu doengh boux ganbu ndei、dangjyenz ndawmbanj、bohmbanj、yanghyenz moq gak cuz bae goujcib it aen mbanj beixnuengx Yauzcuz comzyouq haenx, guh lwnhgangj son’gyauq. Yienh de gaenxmaenx doidoengh vunzlai siujsoq minzcuz dang boux- daibyauj aendangj、yinzda daengj, coicaenh minzcuz doxgiet caeuq ceihleix lajmbanj doxyungz hwngfat.

Lingzyinz Yen hwnq le song bak lai aen gvih caeng raemx doengzsim、caet aen vwnzva gvangj- cangz doengzsim、sam diuz yiemhraez vwnzva, doidoengh “cazbwzhauz Lingzyinz”aeu ndaej ciu- baiz gancwngq dwg aen biu deihleix guekgya daengj goengcingz doengzsim, coenghrengz dieg minzcuz youh ndei youh vaiq hwngfat.

Yienh de lij sonlienh 《Caetcib Ngeih Diuhmo Bouxcuengh Lingzyinz》 daengj cib aen hanghmoeg feihyiz, guh ciet minzsug vwnzva “ngeih nyied ngeih” Swcwngz Cin Ginhbauj、ciet vwnzva goromj “ginhdimwnz” Sinhcai daengj cietheiq hozdung.

Lingzyinz Yen haenqrengz coicaenh gak minzcuz samgyau, veh ok fuk veh gak minzcuz “caez youq lajmbwn、caez raeq doengh naz、 caez bae doegsaw、caez hwnq ranzmbanj”doxyungz hwngfat gyaeundei.

（Liuz Cunghswngh/刘宗升）