Siz Ginbingz camgya yizsiz haimuq

Gaiq Cibgouj Yacouh Yindungvei Youq Hangzcouh Haimuq Hoenghhwd

Cai Giz Dingh Sezsiengz Gyoengq Bouxdaeuz Caeuq Hekgviq Daengj Gak Dieg Yacouh Camgya

第十九届亚洲运动会在杭州隆重开幕

习近平出席开幕式并宣布本届亚运会开幕

蔡奇丁薛祥 来自亚洲各地的领导人和贵宾等出席

Sinhvazse Hangzcouh 9 nyied 23 hauh dienh Gaiq Cibgouj Yacouh Yindungvei 23 hauh banhaemh youq Cezgyangh Swngj Hangzcouh Si haimuq hoenghhwd. Guekgya cujsiz Siz Ginbingz camgya yizsiz haimuq caemhcaiq senhbu gaiq Yayinvei neix haimuq.

Cai Giz、Dingh Sezsiengz, vanzlij gyoengq bouxdaeuz caeuq hekgviq daengj gak dieg Yacouh camgya.

Yizsiz haimuq gaxgonq, gyoengq vunzlai gak dieg Cezgyangh biujyienj le gij vwnzyi cezmuz miz daegsaek deihfueng lailai, hawj yienhciengz hwngvuengh hoenghhwd.

20 diemj 9 faen, gyoengq yin- dungyenz cingqsik haeuj ciengz. Miz souj go《Yasiya Raeuz》angqvau guhbuenx, doengh aen dijyuz dai- byaujdonz daj 45 aen guekgya caeuq digih daeuj de aen dam aen haeuj ciengz, gyoengq bouxyawj daengx ciengz bouxboux angqvauvau coux gyoengqde. Souj《Go Ciengq Guekcoj》 sing yiengj yungfofo nei baez ciengq le, baihguhcawj hix dwg Cunghgoz Daibyaujdonz ceiqlaeng haeuj ciengz, Siz Ginbingz soengz- hwnj doiq gyoengqde vad fwngz, daengx ciengz doengzcaemh angq- vauvau caez, sing bekfwngz hemq angq giz liux giz dem. Cunghgoz Daibyaujdonz gungh 1329 vunz, ndawde 886 boux yindungyenz camgya doxdax, yaek doxdax 38 hangh hung、407 hangh iq ndaw gaiq Yayinvei neix.

21 diemj 16 faen, yizsiz haimuq guh daengz seiz ceiq hawj vunz hwnjheiq. Guekgya cujsiz Siz Gin- bingz senhbu: Hangzcouh Gaiq Cib- gouj Yacouh Yindungvei haimuq！Baez senhbu liux, daengx ciengz couh lumj raemx goenjfofo nei,“feizmbaw soqcih”dawzhwnj yoeng- yoeng, daengx ciengz sing bek- fwngz hemq angq nanznanz mbouj dingz.

（youq Gvangjsih Yizbau genj aeu mbangj daeuj hoiz）