Gicej dou bauq（gicej Veiz Yingjcinh） 9 nyied 21 hauh daengz 22 hauh, Aen Bansonlienh Gungganq Vunzcaiz Cingjleix Caeuq Okbanj Sawgeq Sawcih Minzcuz（Geiz Daih’it）youz Gvangjsih Saujsu Minzcuz Baujhu Yenzgiu Cunghsinh caeuq Gvangjsih Gyauyuz Cuzbanjse cawj- banh de youq Namzningz banhban. 9 nyied 21 hauh, youq gwnz yizsiz haiban, baihcawjbanh cingqsik goeng- bouh le 6 hangh suenqveh gungganq vunzcaiz, hixdwg naeuz cung bae gungganq vunzcaiz sawgeq sawcih minzcuz lo.

Boux fucungjbenhciz Gvangjsih Gyauyuz Cuzbanjse Vuz Cinhyaz naeuz, aen cuzbanjse de caeuq Gvangjsih Saujsu Minzcuz Baujhu Yenzgiu Cunghsinh yaek banh ndei“bansonlienh gungganq vunzcaiz cingjleix caeuq okbanj sawgeq sawcih minzcuz”, heij guh “aen cang vunzcaiz cingjleix caeuq okbanj sawgeq Sawcuengh”, hwnqguh aen bingzdaiz gungganq vunzcaiz“hag- dangz sawgeq”, haifat yonjgen fugsaeh vunzcaiz, ciuq aen unqsik baengh hanghmoeg bae gungganq vunzcaiz, gya rengz lai senhconz vunzcaiz sawgeq daengj roek aen banhfap, cauhguh aen doih hong vunzcaiz sawgeq daj goek daengz byai guh hong soucomz、 okbanj、senhconz vanzlij bienqbaenz soqcih.

“Gvangjsih youq daengx guek dwg bouxbing ceiq naj guh hong sawgeq minzcuz vunznoix, ok goeng- rengz youqgaenj guh hongsaeh sawgeq minzcuz vunznoix. Gvangjsih comz rengz gungganq‘seiq doih vunzcaiz’, guh boux baegonq faenloih vunzcaiz sawgeq daengx guek.”Bouxcucangj Gozgyah Minzveij Cenz Goz Saujsu Minzcuz Gujciz Cingjlij Yenzgiu Yezvuzcu Yangz Soz youq gwnz dangz son yozyenz seiz gangj daengz. De gangjnaeuz, maqmuengh Gvangjsih laebdaeb guh ndei hongsaeh cauh ndei lijlun、hwnq ndei hanghmoeg caeuq gung ndei vunzcaiz, gungganq ndei doengh boux vunzcaiz caemh ak cingjleix caeuq okbanj sawgeq minz- cuz caeuq sawgeq Sawgun, ok gingniemh engqlai hawj daengx guek bae guh hong gungganq vunzcaiz.

Gou cam vunz cix rox, dangqnaj Gvangjsih Saujsu Minzcuz Baujhu Yenzgiu Cunghsinh guhdaeuz gung- ganq gyoebbaenz le‘seiq doih vunzcaiz’hong sawgeq（aen doih bouxciepcienz vwnzva ndawbiengz minzcuz、aen doih guh hong vwnzva minzcuz si yen、aen doih lauxcangh yozcej、aen doih guh hong benhciz okbanj caeuq bienqbaenz soqcih）gungh miz 120 lai vunz, neix bauj miz vunzcaiz guh hong hawj hongsaeh sawgeq hwngfat ndei saed.

Gungh miz 75 boux yozyenz daj gak dieg gak hangz daeuj camgya sonlienh.