9 nyied 17 hauh gyang- haet caet diemj buenq, bi 2023 aen doxdax majlah- sungh buet byongh Ginhsiu dwk cungq hainduj lo. Roek cien bet bak lai boux vunz gag daj ngeihcib caet aen swngj、goujcib bet aen si、song bak hajcib it aen yienh gih daeuj daengz gizneix. Gyoengqde daj Aen Gvangj- cangz Yauzduh ndawyienh hwnjdin, youq gwnzroen dox- dax gyaeundei haenx ceng buet bae gonq. Baez doxdax neix miz majlahsungh buet byongh、buet dinj. Roen doxdax raez ngeih’it diemj lingz gouj caet haj goengleix, baijok gij gingjsaek swnghdai daegbied Ginhsiu, bang yienh neix dajcauh aen binjbaiz minzsug lijyouz miz daegsaek de. Neix caemh gyalaeg le minzcuz caezhoz, couqmaenh gij eiqsik caezcaemh Cungh- vaz Minzcuz, angqcoux aen Yayinvei Hangzcouh.

（Cai Swhlieng/蔡思亮）