9 nyied 8 hauh, Aen Daihhoih Ciuheuh Vunzlai Hwnqguh Gunghcwngz Nda Raemx Boiq Raemx Laeng Gvangjsih Dieg Heux Bwz- buvanh youq Bwzhaij Si Hozbuj Yen、Nanzningz Si Binhyangz Yen、Ginhcouh Si Lingzsanh Yen、Yilinz Si Fuzmenz Gih 4 dieg doengzseiz ciuhai. Seiq giz haihong neix gihgai baez yiengj sing guhhong, couh dwg naeuz aen gunghcwngz yinx raemx boiq raemx hungloet hamj lai ranghdieg、hamj lai ga dah laeng Gvangjsih neix caencingq hwnqguh lo.

Aen gunghcwngz neix gungh miz 72 ndwen geizhong, liengh(guj) gungh roengz 280.41 ik maenz. Gij yinvu aen gunghcwngz neix dwg gung raemxgwn raemxyungh hawj ndawsingz lajmbanj laeng Nanzningz、Bwzhaij、Ginhcouh、Yilinz daengj si daeuz, gyaak gij bonjsaeh bauj gung raemx ancienz, caemhcaiq cauh’ok diuzgienh gaijndei dwkraemx nungzyez caeuq swnghdai vanz- ging raemx.

Aen gunghcwngz neix gvihaeuj doengh aen vehsuenq guekgya baudaengz gij vehsuenq“Cibseiq Haj”caeuq gij moegbiu daeuz gyae daengz bi 2035、gij vehsuenq hwnqguh muengx- raemx guekgya、gij vehsuenq bauj raemx ancienz“Cibseiq Haj”guekgya daengj, dwg 150 aen gunghcwngz suijli hungloet youz Gozvuyen baijbouh hwnq- guh ndawde aen ndeu.

（daj Gvangjsih Sinh-

vwnzvangj aeu daeuj genj hoiz）