第01版:banjdaeuz
下一版4
 
大力弘扬教育家精神 为强国建设民族复兴伟业作出新的更大贡献
Lozcwngz: Mbaet Makit Hag Dinfwngz
Aen Gunghcwngz Nda Raemx Boiq Raemx Ceiq Hung Laeng Gvangjsih Haihong Lo
版面导航     
3上一期  下一期4
新闻搜索:  
3上一篇 2023年9月13日 放大 缩小 默认        
习近平致信全国优秀教师代表强调
大力弘扬教育家精神 为强国建设民族复兴伟业作出新的更大贡献
向全国广大教师和教育工作者致以节日问候和诚挚祝福
 

Hawj Bouxboux Lai Rox Lai Haenh Lai Hengz Gij Cingsaenz Canghgyauyuz

Lai Lai Ok Rengz Guh Hongsaeh Hungmbwk Hwnqguh Guekak Dauqhwng Minzcuz

Dongxndei Caeuq Hohfuk Lauxsae Caeuq Boux Guh Gyauyuz Daengx Guek Ngoenzciet Ndei

Sinhvazse Baekging 9 nyied 9 hauh dienh Aen Codanzvei Bouxdaibyauj Lauxsae Maenhndei Daengx Guek 9 nyied 9 hauh youq Baekging hai. Cunghgung Cunghyangh cungj- suhgi、Guekgya cujsiz、Cunghyangh Ginhveij cujsiz Siz Ginbingz raiz saenq hawj gyoengq daibyauj lauxsae gwnzhoih, youq mwh yaek daengz daih samcib gouj aen ciet lauxsae, daibyauj Dangjcunghyangh, dongxndei caeuq hohfuk lauxsae caeuq bouxhong gyauyuz daengx guek ngoenzciet ndei.

Siz Ginbingz youq ndaw saenq naeuz, haujlai nanz doxdaeuj, gyoengq lauxsae daengx guek aeu sou guh daibyauj de nyinhcaen gvancez diuz gyauyuz fuengcim Dangj raeuz, son saw gyauq vunz、gung goek ganq rag, gungganq daih dam daih bouxcauhguh caeuq bouxciepswnj sevei cujyi dwz ci dij meij lauz yienghyiengh fatmaj ndei,ganq baenz le daih buek vunzcaiz daeuz mizyungh daih lai、dawz hwnj rapnaek, vih guekgya hwngfat、minzcuz hwnghoengh ok le goengrengz youqgaenj. Gyoengqvunz lauxsae ndawde bauq(nyoenx) ok buek canghgyauyuz caeuq lauxsae maenh- ndei, gyoengqde miz gij lijsiengj saenqniemh sim gyaez vunzlai、it hoz bauq guek, miz gij daudwz cingzcauh gangjvah baenz buengjyiengh bouxdoegsaw guhsaeh baenz buengjyiengh vunz ciuhneix, miz gij dungxcaiz ganqvunz hawj vunz lai raeh lai gvai、ciuq vunz bae son bae gyauq, miz aen sim caenndang guhsaeh cix gaenxguh saedguh、ra gvilwd rox cauhmoq, miz aen simgyaez maij son’gyauq gyaez hagseng、laemxsim okrengz, haenqrengz lailai hawj vunz rox hengz daihdauh cix dungx cang lajmbwn、aeu vwnzva gungganq bouxvunz, baijok gij cingsaenz canghgyauyuz Cungguek daegbied miz haenx.

Siz Ginbingz daegbied gangj daengz, byaij hwnj diuz roen moq le, maqmuengh sou caeuq gyoengq lauxsae daengx guek dangq canghgyauyuz guh buengjyiengh, hawj bouxboux lai rox lai haenh lai hengz gij cingsaenz canghgyauyuz, geiqmaenh simnduj sawjmingh coengh Dangj ganq vunz、bang guek ganq caiz, laebhwnj aen ceiqheiq hung“laemxsim son saw gyauq vunz ndei、gou ok faenh rengz hwnq guekak”, gagsaenq gag’ak、haenqheiq buekguh, lai lai ok goengrengz guh hongsaeh hungmbwk hwnqguh guekak dauq- hwng minzcuz.

(daj Gvangjsih Yizbau aeu daeuj genj hoiz)

 
3上一篇  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭