Ndaw suen go makgyoij doengh aen makgyoij boux hekyouz gag mbaet lw haenx, lij sonx daeh ceijmong. Gou swnhfwngz mbaet aen dangqnaj raen haemq habhoz ndeu, sik aen daeh ceij, loh ok aenmak heuswd youh henjliem, menh haeb gaemz ndeu, gwnz mak sikhaek yaenq ok aen dozyiengh lumj duj vamoiz hoengzmaeq nei, youh diemz youh byot. Saek caeuq heiq, bya raemx caeuq lajmbanj, caencingq dwg vunz caeuq swyenz dox yungzhab. Livaz naeuz doengh aen makgyoij gvaq geiqciet neix, cijaeu mbouj naeuh, cungj gwn ndaej, byawz daeuj nungzcangz guhcaemz, maij gwn cungj ndaej mbaet bae gwn, mbouj aeu cienz.

Suen go makgyoij hwnjbae, couh dwg suen makgaivaiz caeuq suen go’nganx lo. Gizneix gyawj henz bya, vihliux fuengzre duznyaen roemx haeujdaeuj, youq rog suen laengz muengx sienqdiet. Hoeng aenmuengx laengz mbouj ndaej doengh gomak maj ok rog muengx bae, doengh go mak haenx doxciengj doxsing hai va moq daeuj coux seizcin.

Seiq

“Dan daihcib lo.” Livaz nyeuxgyaeuj gvaq- daeuj, doiq gou gangj. De bauqnaeuz dan daihcaet seiz, Gijningz sienseng cingq youq ndaw ranzdajcawj guh hong nyaengqnyat. Seizneix dwg ndwenngux satbyai, aen makleiz heuseu ndaw suen goleiz gaenq lumj gaemxgienz lwgnding baenzneix hung lo.

Gwnz heng miz duz gaeqhangh ndeu gaenq gaj ndei, Gijningz sienseng cingq faeg baenz gaiq. Fwed gaeq caeuq ga gaeq, caemj di ciengqyouz, coq haeuj ndaw gaujsiengh bae, gangq henj le hawj gyoengq lwgnyez gwn. Noh aek gaeq caeuq ndang nohgaeq gizyawz, aeu daeuj aeuq dang, hawj daxmeh gwn. Gangj daengz nohbit, Gijningz sienseng dingq gij yigen daihgya, guh lwedoemqbit. Daxmeh Gijningz sienseng naengh youq henz mbaet byaek, riuhehe yawj daengx ranz vunz. Gijningz sienseng maij yienghneix, maij ndaejhoengq seiz daiq vunzranz, youq nungzcangz gag doenghfwngz guh donq ngaiz miz yiengh ranz lajmbanj ndeu.

Mbouj dandan dwg Gijningz sienseng boux ndeu sim’angq. Gou ngamq daengz bakdou gyang- hongh, couh raen laj bungzdiet hoenzngeungeu, aen dem aen luzsauhgauj yiengjsisi. Gyoengq dahsau、mehmbwk roix duk caixhangz haenx, song fwngz gaem ciemcuk con doengh gij byaek noh coenggep、fwedgaeq、nohcwz、daeuhfouhyouz、hojduijcangz, cuengq youq gwnz danqfeiz ndongqywgywg, fan hwnj fan roengz. Gyoengq canghdajcawj bang bouxhek diemjbyaek haenx cawj byaek nyaengqnyat. Gou riengz singgo bae ra, raen gyoengq lwgnyez loq hung di, cingq youq ndaw gohdingh ndaw ciengz, gwn nohgangq, ciengq go, guhcaemz.

“Vunz caen lai lo.” Gou naeuz.

“Mizmbangj dwg danhvei donzgen, mizmbangj dwg ndaw ranz youzangq, daihgya siengj swnh ngoenz singhgiz okdaeuj cuengqsoeng.” Mandwngh naeuz.

Gyoengqvunz daeuj gwn ngaiz ranz lajmbanj、gwn huqdoj lajmbanj neix, mizmbangj bae mbaet mak、mbaet byaek, hix mizmbangj dandan dwg siengj youq nungzcangz youzbyaij, yietnaiq cuengqsoeng. Song aen dingz bet gak gaeuqgeq gag miz yiengh sok Vujliengz hawj gyoengq hekyouz yietnaiq, dwg aen bingzdaiz yienh lijyouzgiz ok cienz hwnqguh hawj hekyouz yietnaiq caeuq yawj gingj. Ndwn youq lanzgan aendingz muengh seiqhenz, laj din dwg raemxdah Cwngzgyangh heuseuseu, baenz duj baenz duj fwj hung youq gwnzmbwn mbinmiegmieg, doiqnaj hamqdah dwg reih haeuxyangz heuseuseu aen mbanj wnq doxlienz doxrangh, mbaw haeuxyangz youq ndaw ndit lwenqmyammyam. Aenndang henzhamq baihgvaz, da yawj ndaej daengz, dwg suenmak mwncup Nungzcangz Gyaranz Haj Ndei. Gyoengq hekyouz ciengzseiz youq gizneix dap daizheiq, eu fwen, aendingz baihneix ciengq, aendingz baihhaenx dap. Doengh boux vunzsai maij epbya haenx, mizmbangj bae luengqraez epbya. Baihlaeng luengqraez epbya, dwg aen suen goleiz binaengz ciuyinx hekyouz ngonz va laidaih. Diuz roen iq doeng coh suen goleiz, aen’gyaq lwggve goemq youq gwnz gyaeuj, youq gizneix, aen gve’ngwz raezrangrang, daj gwnz gyaq gve duengh roengzdaeuj, mbouj haeujsim couh deng hwk sim diuq mbei lek bae. Namzgva、lwggve、lwgbieng, baenz aen baenz aen lwggve, youq gizneix, hawj hekyouz dangbaenz doxgaiq guhcaemz, ndiepgyaez raixcaix. Hix miz vunz daiq aenbungz, ninz youq ndaw suenmak, dingq duznon youq ndaw caznywj heuhgitgit.

Gou caeuq Livaz、Mandwngh byaij daengz nungzcangz aen bo ceiq sang. Gijningz sienseng gwn ngaiz liux, hix daiq daxmeh naengh youq gwnz goenj rin bo sang. Muengh roengz laj bae dwg baenz byongj baenz byongj naz heuswdswd, baenz bang baenz bang roegcaeuq mbin gvaq gwnz gohaeux, mbin gvaqbae yaep ndeu, youh mbin dauqma. Muenghyawj seiqhenz, bya mwn reih heu, gomak mwncup. Rumz ci liengzseuseu, heiq mak rangfwtfwt. De muengh coh daxmeh, naj riunyum- nyum.

Gizdieg mbouj geijlai gyae, diuz goengloh lijyouz banggungz Yinhcwngz daengz Dava, daj henzhamq Dahcwngzgyangh ietraez gvaqdaeuj, heux buenq aen Nungzcangz Gyaranz Haj Ndei. Civatgud caeuq cidaehnamh gaenq doiq ok ciengz, diuz loh gvangqlangh cinaenxloh bingzcingj gvaq haenx, gaenq bu rinsoiq. Caj daengz guhbaenz doeng ci, aen ranzninz Nungzcangz Gyaranz Haj Ndei hix hab hwnqbaenz yungh ndaej lo, daengz seizhaenx, Mbanjluzliengz lij engq nauhyied.

（5 sat）

番桃园里自主采摘后遗留下的番桃，还套在灰白色的纸袋子里。我随手摘下眼前看起来比较满意的一个，扯下纸袋，露出青中透黄亮的果实，轻咬一口，肉质上立刻印出一朵粉红的梅花来，又甜又脆。色与味，山水与田园，真正的物我融合。丽华说这些过季的番桃，只要不坏掉，都还可以吃，谁来农场玩，喜欢吃的都可以摘走，不收费。

番桃园上去，就是芒果园和龙眼园了。这里靠近山边，为防止野兽撞入，在园外拉起了铁丝网。但满园春色关不住，果树们正争先恐后地以花的绽放来赶赴春的盛宴。

四

“第十单了。”丽华扭过头来，对我说。她汇报第七单的时候，启宁先生正在农场的厨房里忙碌。这时是五月末，梨园里青绿的梨子已有婴儿的拳头般大小了。

案板上一只光着身子的项鸡，正被启宁先生裁成几份。鸡翅和鸡腿，沾上酱油，放入烤箱，烤黄了给孩子们吃。鸡胸脯肉和其他鸡身，拿来炖汤，给母亲喝。至于鸭子，启宁先生听从大家的意见，做了焖血鸭。启宁先生的母亲坐在一旁择菜，笑眯眯地看着这一家老小。启宁先生喜欢这样的时刻，喜欢在闲暇时光，带上家人，在农场里自己动手做上一餐特色的农家饭。

何止是启宁先生一个人的欢喜。我刚进院门的时候，就看到铁棚下丝缕上升的轻烟，从一个个烧烤炉上咝咝冒出。擅长撸串的姑娘、少妇们，两手抓着串着韭菜、鸡翅、牛肉、油豆腐、火腿肠等的竹签，就着通红的炭火，上下翻动。厨师们则忙着为点餐的客人操弄着锅碗瓢盆。我顺着歌声寻过去，发现一群半大的孩子，正在场内的歌厅里，吃着烤串，嗨歌，玩游戏。

“人可真多。”我说。

“有单位的团建活动，有家庭的出游，大家都想趁周末出来放松。”曼登说。

这些来吃农家饭、吃农家土货的人们，吃饱了后，有去摘果、摘菜的，也有单纯想在农场里走走，放松身心的。五良码头供游客歇息的两个古色古香的八角亭，是县旅游局斥资建造的供游客歇息和观景的平台。站在亭子的栏杆边四望，脚下是碧绿的澄江河水，天上追逐的是大朵大朵的白云，对岸延绵着另一个村庄的翠绿玉米地，叶子在阳光下打着闪。身侧的右岸，目之所及，是五良家庭农场繁茂的果园。游客们时常在此搭起歌台，对唱山歌，这边亭子唱来，那边亭子和。喜欢钓鱼的爷们，或去河边的钓鱼长廊垂钓。钓鱼长廊的身后，是每年引来无数赏花游客的梨园。通往梨园的小径，瓜架覆盖在头顶，长长的蛇瓜，从瓜架上垂下来，冷不丁会被吓一跳。南瓜、丝瓜、青瓜，一个个的瓜，在这里，被游客们当成萌物，亲昵着。也有人带了帐篷，睡在五良家庭农场的果园里，听着虫儿在草间歌唱。

我和丽华、曼登走到农场的最高坡。启宁先生吃好饭，也携着母亲坐在高坡的一块石头上。眼下是一畦畦碧绿的稻田，成群的白鹭横过稻田上空，飞过去一阵，又飞回来。放眼四野，青山绿地，果树繁茂。微风清爽，果香阵阵。他望向母亲，脸上漾着笑意。

不远处，忻城至大化的旅游扶贫公路，从澄江河岸延伸过来，绕了半个五良家庭农场。挖掘机和运土车已退场，压路机平整过的宽阔路面，已铺上碎石。等到建成通车，五良家庭农场的民宿也该投入使用了，到那个时候，六良屯还会更热闹。

(完 原载《广西文学》)