8 nyied 26 hauh, haujlai vunz youq Swhyenz Yen Dahswhgyangh cuengq daengdah, mbaenjgouz fukheiq. Cien fanh aen daengdah fouz youq gwnzdah, ndeiyawj dangqmaz. 8 nyied 20 hauh daengz 28 hauh, Swhyenz Yen guh gaiq daih ngeihcib caet aen ciet fwen daengdah minzcuz cienzdoengj caeuq gaiq daihcib aen ciet lijyouz vwnzva danhyaz. Geij ngoenz neix miz doxdax guh daengdah、fatbouh diuz go moq 《Lienh Swhyenz》、 langhbaij doengh mbaw siengq Swhyenz、doxdax eu fwen、cuengq daengdah daengj. Hozdung lai cungj lai yiengh, yinx le hekyouz daeuj guhcaemz, coicaenh aen canjnieb vwnzlij Swhyenz Yen hwngfat ndaej youh ndei youh vaiq.

（Dangz Gvangjdungh/唐广东 Yiz Li/于 力）