Byaij haeuj Aen Suen Canjnieb Ndaem Raetgwn Gvangjsih Gvangj- dungh Gapguh laeng Duh’anh Yauz- cuz Swciyen. Baizbaiz fanghcangh hawj vunz simgyaez. Ndawde doengh gij faexmbaenq ndaemraet youq gwnzgyaq baijledled, gig caezcingj, gwnzde did rim raethau, heiq homfwtfwt. Gyawj geij bi neix, Dahingh Cin hwnq le aen suen canjnieb ndaem raetgwn, fungj ok raetdungxyiengz、raetdungxmou、raet- moegngaex ndaem daengj cib lai cungj raet, ngoenz ndeu ndaej yaeb roek cien gaen raet. Aen suen neix laeb ndei caez le, aiq ndaej bang sam bak vunz dieg de couhnieb, bi ndeu baenz raet yaek miz song fanh dun doxbae.

（Veiz Cinghyui/韦青锐）