8 nyied 18 hauh, aen hoih daengx guek hawj doenghboux duetgungz lai ndaej guh hong onj nanz youq Namzningz hai, dou cam doenghboux banh aen hoih neix cix rox, Gvangjsih comz rengz guhhoengh lajmbanj, hawj hong onj hawj hong lai bae“song loek doinyoengx”caeuq ok ndei cwngcwz hawj“song baih haenqrengz”, neix guhbaenz hawj doenghboux duetgungz ndaej guh hong onj nanz. Suenq daengz 7 nyied daej, daengx gih doenghboux duetgungz（baudaengz doengh ranz deng yawj riengzlaeng mbouj hawj dauq gungz）hwnjban guh hong miz daengz 286.44 fanh vunz, gij soq hong guhsat ciemq gij soq hong dajsuenq aeu guh bae 106.8%. Daengx gih doenghboux duetgungz hwnjban guh hong、doenghboux duetgungz doengh aen yienh guekgya guhhoengh lajmbanj cix okrengz daeuz bangfuz caeuq doenghboux duetgungz senj dieg youq de hwnjban guh hong cungj beij bi’gvaq daezgonq ndwen ndeu doxhwnj guhsat gij hong dajsuenq aeu guh.

（Vangz Yenginz Dwng Cujdij）